ئيرۆ شه‌مبوويێ، 5ى تشرينا ئێكێ 2024، سه‌رۆك بارزانی د په‌یامه‌كێ دا ب هه‌لكه‌فتا جه‌ژنی جه‌مایێ، په‌یامه‌كا پیرۆزباهیێ ئاراسته‌ی ئێزدیان كر و تێدا ب پێدڤى زانيه هەموو ئەو ئاستەنگ و ئەگەرە نەمینن كو رێگرن ل بەر ئاسایبوونا ژیانا ئێزدییان و ب تایبەت ل دەڤەرا شنگالێ.
ده‌قێ په‌ياما سه‌رۆك بارزانى:
بناڤێ خودێ مەزن و دلۆڤان
بهەلكەفتا هاتنا جەژنا (جەمایێ) یا خوشك و برایێن ئێزدی پیرۆزباهیێ ل میرێ ئێزدیان و بابا شێخ و جڤاتا ڕۆحانی و تەڤایا خوشك و برایێن ئێزدی ل كوردستانێ و هەموو جیهانێ دكەم.
برین و ئازارێت خوشك و برایێن ئێزدی، برین و ئازارا هەمی كوردستانیانە و د خەم و خۆشیادا هەڤپشكین. پێدڤی یە هەموو ئەو ئاستەنگ و هۆكار نەمینن كو ڕێگرن ل بەر ئاسایی بوونا ژیانا ئێزدییان و بتایبەت ل دەڤەرا شنگال.
هەر ب ڤێ هەلكەفتێ تەكەزێ ل بهێزكرنا فەرهەنگا پێكڤەژیانێ ل كوردستانێ دكەم و هیڤیدارم خوشك و برایێن مە یێن ئێزدی جەژن و هەلكەفتێن خۆ ب ئارامی و دلخۆشی بگێرن.
جەژنا هەوە پیرۆز و بمینن بخێرو خۆشی
مسعود بارزانی
5ـی تشرینا ئێكێ 2024