سه‌ما
ل قه‌زا شنگالێ كێشه‌يا كێميا ئاڤا ڤه‌خوارنێ سه‌رهلدايه و پتريا بيران هشك بووينه و قايمقام ژى باس ل رێگه چاره‌سه‌ريه‌كێ دكه‌ت.
ئێك شه‌مبوويێ 27ى تشرينا ئێكێ 2024ٍێ، نايف سه‌يدۆ، قايمقامێ شنگالێ ب وه‌كاله‌ت بۆ سه‌ما راگه‌هاند: به‌ريا هێرشا رێكخراوا داعش يا تيرۆرستى بۆ سه‌ر شنگالێ و تا نۆكه كێشه‌يا كێما ئاڤا ڤه‌خوارنێ ل ده‌ڤه‌رێ يا به‌رده‌وامه، پتريا بيرێن ئاڤێ هشك بووينه.
نايف سه‌يدۆ، باس ل پرۆژێ شنگالا ئێگكرتى يێ ئاڤێ كر و گۆت: ئه‌گه‌ر ئه‌ڤ پرۆژه ل سالا 2025 هاته ئه‌نجامدان ره‌نگه تاراده‌يه‌كێ زۆر كێشه‌يا ئاڤێ ب ئێكجارى ب تايبه‌ت ل شنگالێ نه‌مينت.
پتريا خه‌لكێ شنگالێ پشت به‌ستنێ ل سه‌ر بيرێن ئيرتوازى دكه‌ن بۆ دابينكرنا ئاڤا ڤه‌خوارنێ، دنۆكه پتريا وان بيران به‌ره‌ف هشك بوونێ ڤه دچن و خه‌لك به‌رده‌وام ب تانكه‌ران ئاڤێ دكرن.