سه‌ما
رۆژا دووشەمبوويێ، کلوبا مانچستەر یونایتدێ یا ئینگلیزی راگەهاند کو ئێریک تن هاخێ هۆلەندی ژ سەرپەرشتیا تیمێ هاتیە دورخستن ژبەر خرابیا ئەنجامان.
د راگەهاندنەکا فەرمی دا ل سەر مالپەرێ خۆ، مانچستەری دیار کر کو تن هاخ دێ جهێ خۆ یێ سەرپەرشتیاریێ هێلیت، و روود ڤان نیستلرۆی یێ هۆلەندی، یێ کو بەرێ راهێنەرێ هاریکار بوو، دێ بیتە سەرپەرشتیارێ دەمکی هەتا راهێنەرەکێ نوی ب شێوەیەکێ هەردەم بهێتە دانان.
تن هاخ د نیسانا ٢٠٢٢ێ دا دەست ب کار ببوو، و تیم بر سەرکەفتنا جاما لیگا کاپا ئینگلیزی د ٢٠٢٣ێ دا و جاما یەکێتیا ئینگلیزی د ٢٠٢٤ێ دا.
مانچستەر یونایتدێ د راگەهاندنا خۆ دا سوپاسیا راهێنەرێ هۆلەندی کر ژ بۆ هەمی تشتێن وی پێشکێشی تیمی کرین، و هیڤیا سەرکەفتنێ ژ بۆ گاڤێن وی یێن داهاتی خواست.
نوکە مانچستەر یونایتد د پلا ١٤ێ دا یە د لیستا پرێمیەر لیگێ دا ب ١١ خالان پشتی ٩ گەران.