ناڤهندا نووچهیان – سهما
ڤهكۆلینهكا نووی یا زانستی ئاشكهرا دكهت، غاردان بۆ ماوهیهكێ گهلهك درێژ كارتێكرنهكا نهرێنی ل سهر بهرههمئینانا خرۆكێن سۆر یێن خوینێ دروست دكهت و پیربوونێ بلهزتر دكهت، ههروهسان رهنگه ببته ئهگهرێ كێم خوینێ.
ههرچهنده ڤهكۆلینێن ههمهجۆر مفایێن غاردانێ بۆ لهشی ب تایبهتی دل و خرۆكێن خوینێ سهلماندییه، بهلكو ڤهكۆلینهكا نووی دیاركرییه، غاردان بۆ ماوهیهكێ درێژ دبته ئهگهرێ ژ ناڤچۆنا خرۆكێن سۆر یێن خوینێ.
ڤهكۆلهر ئاماژێ ددهن، رێژهیا خرۆكێن سۆر ژ ئالیێ كهسێن ل ههڤركیێن درێژ غارددهن كێم دبت و خرۆكهیێن نهرم نامینن، ئهڤهژی كارتێكرنهكا نهرێنی ل سهر شیانێن ڤهگوهاستنا ئۆكسجینێ ب شێوهیهكی كارا دكهت.
ڕۆژنامەیا “ئیندیپێندێنت” یا بەریتانی، د راپۆرتهكێ دا ئاماژە كرییه، ڤهكۆلهران بۆ گههشتنا ڤی ئهنجامی نموونهیا خوینێ ل سهر 23 كهسێن غارددهن ئهنجام دایه، و ئێكسهر د پشکنینان دا دیاربوویه نیشانهیا ههوكرن ل سهر خرۆكێن خوینێ ل پشكێن جیاوازێن لهشی دیاربوووینه.
ئهڤ ڤهكۆلینه نیشان ددهت وهرزشێن گهلهك ب زهحمهت، خرۆكێن خوینێ بهرهف پیربوونهكا بلهز دبهت، ئهوژی میكانزمهكه ههڤشێوهیی وان تێكچۆنایه یێن ل دهمێن خهزنكرنا خوینێ دا دهێنه دیتن.
زانا ژی هیڤیدارن ئهڤ ڤهكۆلینه یا هاریكار بت بۆ دووباره دارشتنتا ستراتیژیهكا نوو ب مهبهستا باشتركرنا ئاستێ وهرزشڤانان و كێمكرنا كارتێكرنێن نهرێنی یێن وهرزش و راهێنانێن ب زهحمهت.