ناڤەندا نووچەیان – سەما
ئيرۆ پێنج شه‌مبوويێ،9ى كانوونا دووێ 2025 ێ، د.عه‌لى ته‌ته‌ر، پارێزگارێ دهۆكێ پێشوازیا میر حازم ته‌حسین به‌گ میرێ ئێزدیان وشاندێ دگه‌لدا كر .
دهه‌ڤدیتنه‌كێدا ب ئاماده‌بونا سه‌ردار یه‌حییا ده‌ڤه‌ردارێ شێخان، به‌حسێ ره‌وشا ده‌ڤه‌رێ و پرۆژێن حكومه‌تا هه‌رێما كوردستانێ ئه‌وێن بێ جوداهى ل هه‌موو ده‌ڤه‌را دئێنه ئه‌نجامدان و ئه‌و گرنگیا حكومه‌تا هه‌رێما كوردستانێ ب ده‌ڤه‌رێن ئێزدیان دده‌ت وپێدڤیێن كۆمه‌لگه‌هـ و گوندێن ئێزدیان ب پتر پرۆژێن خزمه‌تگۆزارى ب گشتى هاته كرن.
پارێزگارێ دهۆكێ دوپاتكر، سه‌رۆكێ حكومه‌تا هه‌رێما كوردستانێ رێزدار مه‌سرور بارزانى، به‌رده‌وام داكوكیێ ل ده‌زگه‌هێن حكومه‌تا هه‌رێمێ كوردستانێ دكه‌ت كو پتر گرنگیێ ب ده‌ڤه‌رێن برا ئێزدیان بده‌ن و پتر ئاسانكاریا بۆ راپه‌راندنا كاروبارێن وان یێن رۆژانه بده‌ن.
هه‌روه‌سا گۆت:” ل سه‌ر راسپاردێن جه‌نابێ سه‌رۆكێ حكو مه‌تێ و لدووڤ داخازیا خه‌لكێ كۆمه‌لگه‌هێن خانكێ و شاریا، هه‌ردوو كۆمه‌لگه‌هـ بووینه ناوچه‌دارى و پشته‌ڤانیا پارێزگه‌هێ نیشان دا بۆ هه‌ر هاریكاریه‌كێ”.