سه‌ما
وەزیرێ دەرڤەیێ عیراقێ و جێگرێ سەرۆک وەزیران د لێداونه‌كێ دا بۆ رۆژناما شەرقلئەوسەت راگەهاند: هێشتا مەترسیا بەرفرەهبوونا شەڕی و نەسەقامگیریێ د ناڤچا مە دا مەترسیەکا بهێزە.
هەروەسا د.فوئاد حسێن دەربارەی بەردەوامیا شەڕ و ناکۆکیێن د ناڤبەرا ئیسرائیل و حیزبوڵڵا و حەماس و شەڕێ لوبنان و غەززە دا هۆشدارى دا و گۆت، بەردەوامیا شەڕی لسەر عیراقێ مەترسیە، بتایبەت زێدەبوونا ناکۆکیان د ناڤبەرا ئیران و ئیسرائیلێ دا بۆ سەر عیراقێ مەترسیدارە.
ئه‌و يه‌ك ژى دیار کر: شەڕ و هێرش و بەرسڤدان ب چەک و مووشەک و فڕۆکێن درۆن ژ عیراقێ، وەلاتی دئێخیتە ناڤ جوگرافیا شەڕی، لەوما ئەم دەربارەی ڤێ بابەتێ هشیاریێ ددەین.
وەزیرێ دەرڤەیێ عیراقێ جه‌خت کر کو دیدار و پەیوەندی دگەل لایەنێ ئیرانی د ئاستێن جودا جودا دا بەردەوامن، و گۆت، ئیرانیان ب زەلالی سۆز دایە، ب تو رەنگان بۆ هێرشکرنە سەر ئیسرائیلێ خاکێ عیراقێ بکار ناهینن.