سه‌ما
جۆسێپ گواردیۆلا، راهێنەرێ يانه‌يا مانچستەر سیتى یێ ئینگلیزى یا ته‌پاپێ، دووپات کر کو دێ يانه‌يێ بەرەڤ سەرکەفتنێ ڤە بەت، هەتا ئەگەر بۆ پلا پێنجێ ژى دابەزیت، ژبەر گومانێن هەین دەربارەی سەرپێچیێن دارایی.
راهێنەرێ مانچستەر سیتى هەموو گۆمان ل سەر پاشەرۆژا خۆ راوەستاندن ب درێژکرنا گرێبەستا خۆ دگەل يانه‌يێ، یێ کو بەرێ وى دا شەش جاران قەهرەمانیا پرێمیەر لیگێ، هەتا سالا 2027.
نووکە کلوب رووبەرووى 115 تاوانباریان دبت دەربارەی سەرپێچیێن یاسایان پشتى ڤەکۆلینەکێ د کاروبارێن وان یێن دارایی دا.
مانچستەر سیتى دبێژیت کو چ سەرپێچی نەکرینە، لێ ئەگەر بێنە سەلماندن، دێ رووبەرووى سزایەکا گران بیت، ژوان ژى دابەزاندن بۆ پلێن خوارتر.
ئاشکرا کر: گفتوگۆیێن درێژکرنا گرێبەستێ د دوو دەمژمێران دا تەمام بووین، گۆت: “بەرى شەش هەیڤان من گۆتى، نە ژبەر کو من نووکە گرێبەستا خۆ درێژ کر. من گۆت دەمێ کلوبان مە تۆمەتبار کرین کو مە تشتێن چەوت کرین و خەلکى پرسیار کر کا دێ چ بیت ئەگەر ئەم دابەزین، من گۆت دێ ل ڤێرێ بم.”
هەروەسا گۆت: “سالا بێت، نزانم دێ ل کیڤە مە دانن د کۆنفەرەنسێ دا (پلا پێنجێ)، لێ ئەم دێ ڤەگەرین و دێ ڤەگەرین بۆ پرێمیەر لیگێ. من بەرێ ئەڤ یەکە دزانى و نووکە ژى پێ هەست دکەم.”
گواردیۆلا 18جام ب دەست ئینان ژ دەمێ دەستپێکرنا کارێ خۆ ل مانچستەر سیتى ل 2016، ژوان ژى قەهرەمانیا چامپیۆنز لیگ و دوو جاران کەپا ئینگلتەرا.