سه‌ما
ب ئه‌گه‌رێ وه‌رنه‌گرتنا سمپلێن خووينێ، رووفاتێن قوربانيێن ئێزدى ل پزيشكيا داد ل به‌غدا ماينه و بۆ كه‌سوكارێن ئه‌وان نه‌هاتينه ڤه‌گه‌راندن.
شه‌مبوويێ 2ى تشرينا دووێ 2024ێ، خێرى شنگالى، به‌رپرسێ رێكخراوا به‌تريكور بۆ مافێ مرۆڤى ل شنگالێ بۆ سه‌ما راگه‌هاند: ل سالا 2019وه‌ره 650رووفاتێن قوربانيێن ئێزدى بۆ پزيشكيا داد ل به‌غدا هاتينه ره‌وانه‌كرن، ژ ئه‌گه‌رێ كۆچكرنا كه‌سوكارێن قوربانيان بۆ ده‌رڤه‌ى وه‌لاتى تا نهۆ سمپلێن خوونێ نه‌هاتينه وه‌رگرتن و پرۆسه‌يا پشكنينێ گيرۆبوويه.
عه‌لى دبێژت: پزيشكيا داد چاڤه‌رێ وه‌رگرتنا سمپلێن خوونێ ل كه‌سوكارێن قوربانيان دكه‌ت، داكو ناسنامه‌يێن رووفاتان ئاشكرا بكه‌ن و راده‌ست بكه‌ن.
رێكخراوا داعش يا تيرۆرى ل 3ى ته‌باخا 2014ێ هێرشى قه‌زايا شنگالێ كر و كۆمه‌لكوژى(جينۆسايد)ده‌رهه‌قێ ئێزديان دا ئه‌نجامدا و ب سه‌دان وه‌لاتى دناڤ گۆڕێن بكۆم دا گوله‌بارانكرن.
پشتى رزگاركرنا شنگالێ ل سه‌ر ده‌ستێ هێزێن پێشمه‌رگه‌ى ب ده‌هان گۆڕێن بكۆم هاتينه ديتن و هنده‌ك ژ ئه‌وان هاتينه هلدان و رووفاتێن وان هاتنه ده‌رئێخستن.