سه‌ما
زێده‌تر ژ 300 بیرێن ئاڤێ ل شنگالێ هشك بووینه، به‌رپرسێ هۆبا چاندنێ ل قه‌زا شنگال ئاماژێ ب وێ چه‌ندێ دكه‌ت، سالا 2014ێ وه‌ره گه‌له‌ك زیان گه‌هشتیه كه‌رتێ چاندنێ.
چارشه‌مبوويێ 13ى تشرينا دووێ 2024ێ، شەرەف نایف، به‌رپرسێ هۆبا چاندنێ ل قەزا شنگال بۆ سه‌ما راگەهاند؛ ده‌مێ تيرۆرستێن داعش هێرشى شنگال كرى زيان گه‌هانديه بيرێن ئاڤێ و زێده‌ترى 300 بيران هشك بووينه و ئاستێ ئاڤا بن عەرد به‌رده‌وام كێم دبت.
شه‌ره‌ف نایف گۆتژى: د وارێ چاندنێ دا هەڤکاریا جۆتیاران نائێتە کرن بۆ کارێن چاندنێ وچێکرنا بیرێن ئاڤێ.
پتريا خه‌لكێ شنگالێ ب تايبه‌ت ل گه‌ليێ كه‌رسێ پشت به‌ستنێ ل سه‌ر كه‌رتێ چاندنيێ دكه‌ن.
كێشه‌يا كێميا ئاڤێ دنۆكه‌دا ل شنگالێ سه‌رهلدايه و خه‌لك ب نه‌چارى ب تانكه‌ران و ب گرانى دكرن بۆ پێداويستيا خوه يا رۆژانه.