سه‌ما
دووشه‌مبووويێ 17تشرينا دووێ 2024ێ، نافین سەعید قاسم، ياريزانا ته‌پاپێ و خه‌لكا شنگالێ بۆ سه‌ما راگه‌هاند: دنۆكه دا ياريزانا یانەیا ئال بەدیر یا وەرزشی و زاخۆ يا یارییا فوتسالێ يه، ئارمانجا وێ روهنە كو نوێنەرایەتیا عیراق و هەرێما کوردستانێ د پێشبڕکیێن نێڤدەولەتی دا بکەت.
ئه‌وێ ياريزانێ گۆت: “. هه‌ر ژ زارۆکینیێ دا حەزا ل ته‌پاپێ دكر، لێ دەرفەت نەبوون کو بكارم شیانێن خۆ پێش ڤە ببەم ژبەر كاودانان، ل جهێ کو دەست ژ وه‌رزشێ بەردەم، ل مال ده‌ست ب راهێنانێ کر و ب رێیا تۆڕێن جڤاکی گەشتا خۆ یا وەرزشی پارڤە دکر”.
دبێژت: ل سالا 2018ێ، ل یانەیا وەرزشی یا دهۆکێ هاتمه وه‌رگرتن و ل وێده‌رێ شیانێن خۆ سەلماند و جاما یانەیێ بدەستڤەئینا، پاشی ل یانەیێن زاخۆ و زەورا ژى هاتم وه‌رگرتن و ئاستەکێ بلند نیشاندا.
ئاماژه ب وێ چه‌ندێ دا، دنۆكه دا ل گه‌ل یانەیا ئال بەدیر یا وەرزشی ل باژێرێ حله و يانه‌يا زاخۆ بۆ ياريا فوتسالێ ياريێ دكه‌م، ئارمانجا وێ روهنە كو نوێنەرایەتیا عیراق و هەرێما کوردستانێ د پێشبڕکیێن نێڤدەولەتی دا بکەت.
ناڤهاتيێ قوتابى يه ل قۆناغا سيێ ل کولیژا پەروەردێ بەشێ زمانێ ئینگلیزی ل زانکۆیا دهۆکێ و یاریزانا ته‌پاپێ يه.
ل سالا 2014ێ، دەمێ داعش هێرش کريه سەر دەڤەرا شنگالێ، ناڤین و مالباتا خۆ نەچار بوون قه‌ستا دهۆکێ بكه‌ن، ل وێده‌رێ دەستپێکەکا نوو د ژیانا وێ دا دەست پێکر، دوور ژ مال و وارێ وێ یێ رەسەن.