سه‌ما
راوێژكاره‌كێ جڤاتا روحانى زانياريان ده‌رباره‌ى دامه‌زراندنا جڤاتا بلندا ئێزديان ئاشكرا دكه‌ت.
خدر دێرۆ خانه‌سۆرى، راوێژكارێ جڤاتا روحانيا بلندا ئێزديان بۆ سه‌ما گۆت: ل مه‌ها سێ يا ئيساله ب سەرپەرشتیا مير حازم ته‌حسين به‌گ، ميرێ ئێزديان كۆمبوونه‌ك لگه‌ل كه‌سايه‌تيێن ئێزدى هاتيه كرن و بريارا دامه‌زراندنا جڤاتا بلند هاتيه دان، داخوازى هاته كرن هه‌موو ئێزدى ل كوردستانێ و ژ ده‌رڤه‌ى وه‌لاتى خۆ تێدا ببينن.
خانه‌سۆرى، دبێژت: ميرێ ئێزديان دخوازيت هه‌موو ئێزديان رازى بكه‌ت و ده‌ست ب رێكارێن دامه‌زراندنا جڤاتا بلند بكه‌ن، كو دێ ژ کەسێن پسپۆر ئێتە پێکئینان و ئارمانج ژێ بەرەڤانیکرنە ژ داخوازی و مافێن ئێزدیان.
ناڤبرى باسێ وێ يه‌كێ ژى كر، ئه‌ڤ جڤات دێ گه‌له‌ك خزمه‌تا ئێزديان كه‌ت و دێ بتە ئەگەر کو دەنگ و داخوازیێن ئێزدیان بگەهنە جهێن بەرپرس و چارەسەر ببن.
جڤاتا بلندا ئێزدیان دێ بەشەک بت ژ جڤاتا روحانیا ئێزدیان، بڕیارە حازم تەحسین بەگ سەرۆکێ وێ بت.