سه‌ما
یانا ڕیال مەدرید دڤێت گرێبەستا ڤینیسیۆس جۆنیۆر نوی بکەت و هەڵویستێ وی یاریزانی د ڤێ بارێ دا بزانیت.
ڕۆژناما مارکا یا ئیسپانی ئاشکرا کر کو یانا هیلالا سعودی د هاڤینا بوری دا هەوڵ دا ڤینیسیۆس بگوهێزیت ب بهایێ 500 ملیۆن یۆرۆ بۆ ڕیال مەدرید، ئەڤە جودا ژ ملیارەک یۆرۆ کو بۆ ئەستێرێ بەرازیلی د ماوێ 5 سالان دا دابین دکەت.
هەروەسا مارکا دووپات کر کو ئەڤ پێشنیارا هیلال ب فەرمی نەهاتیە پێشکێشکرن، بەلێ یانا سعودی دگەل کەسێن نێزیکی ڤینی ئاخفتن کرینە و وان ژی بۆ ڕیال مەدرید ڕاگەهاندینە.
مارکا باس ژێ دکەت کو پاریس سان جێرمان و چێڵسی و مانچستەر یونایتد ژی دخوازن ڤینیسیۆس بگوهێزن، ب کەلکوەرگرتن ژ وێ دۆخا نیگەرانیێ یا ئەستێرێ بەرازیلی تێکەفتی پشتی وندا کرنا باڵۆن دۆر.
د داویێ دا مارکا دبێژیت، ڕیال مەدرید ئامادەکاریێ دکەت دا پێشنیارەکێ پێشکێشی ڤینی بکەت بۆ نویکرنا گرێبەستا وی د بەرامبەر ئارامبوونا یاریزانی، بەلێ چاڤەڕێ دکەت هەتا هەڵویستێ هێرشبەر و بەڕێڤەبەرێ کارێن وی د ڤێ بارێ دا بزانیت.