ناڤەندا نووچەیان – سەما
ل رۆژا چارشه‌مبوويێ 4ى كانوونا ئێكێ 2024ێ، ب ده‌هان کەس ژ ئەندامێن ره‌ڤه‌ندا کوردی ل ئەڵمانیا خرڤه‌بوونه‌ك ل بەر باره‌گايێ نەتەوەيێن ئێكگرتى ل باژێرێ بۆن كر.
كه‌سێن به‌شدار تاوانێن ب ئارمانجكرنا وه‌ڵاتیێن کورد ل باژێرێ حه‌له‌ب و دەوروبەران شه‌رمه‌زاركرن، هەروەسا بۆ دەربڕینا نیگەرانيا خۆ ل بێدەنگا نێڤ دەوڵەتی سەبارەت ب کۆچكرنا زۆرەملێ کو گرۆپێن تووندڕە بسەروه‌ڵاتیاندا سەپاندینە.
خۆپیشاندان نێزیکی ده‌مژمێر و نیڤان ڤه‌كێشا و چەندین گۆتار ب زمانێن ئەڵمانی و کوردی هاتنه پێشکێشکرن، به‌شه‌ك ژ چالاکڤان و مافناسان بەشداریان تێدا کر و د گۆتارێن خۆ دا ته‌كه‌زى ل سەر پێدڤيا پاراستنا گیانێ وه‌ڵاتیان كر و داخواز ژ کۆمەڵگه‌ها نێڤ دەوڵەتی کرن بله‌ز دەست تێوەردانێ بكه‌ن ب داوى ئينانا ڤان تاوان و پێشیلکارییان.
هەروەسا، خۆپیشاندەران ل به‌رامبه‌ر باره‌گايێ نه‌ته‌وه‌يێن ئێكگرتى كۆمه‌كا داخوازيان پێشكێشكرن و خواستن كۆچبه‌رێن كورد ل حه‌له‌بێ رزگار بكه‌ن.
