ناڤەندا نووچەیان – سەما
بەرپرسەکێ وەزارەتا ناڤخۆیا عیراقێ راگەهاند، ب ئەگەرا گەندەلیێ پتر ژ دوو هه‌زار ئەفسەرێن وەزارەتا مە هاتنە دەرکرن.
مقداد میری، په‌يڤدارێ وەزارەتا ناڤخۆیا عیراقێ، د کۆنگرەیەکێ رۆژنامەڤانی دا راگەهاند، هەموو کاميره‌یێن ل سەر سنوورێ عیراق-سوریا، وێنە راستەوخۆ ڤه‌دگوهێزن بۆ بەغدا و ژ ناڤەندێ چاڤدێری ل سەر دئێتە کرن.
زێدەتر گۆت:”14 هه‌زار و 797 دۆسیەیێن گەندەلیێ د ناڤ ئەفسەرێن ناڤخۆ دا هەبوون، دوو هه‌زار و 103 ئەفسەر ب ئەگەرا گەندەلیێ ژ کارێن خۆ هاتنە دەرکرن”.
ئاماژە ب وێ ژی کر، 83٪ کریارێن تیرۆرستی ل عیراقێ کێم بووینە، هەروەسا رێژا تاوانێن مەترسیدار 20٠٪ کێم بوویە.
ئاشكراكر:” تۆرا بازرگانى یا ب مادێن هۆشبەر مە هەلوەشاندیە و 148 تۆمەتباران ژی بریارا سێدارەدانێ بۆ وان هاتیە دەرکرن”.