ناڤەندا نووچەیان – سەما
دۆناڵد ترامپ، سەرۆکێ هەلبژارتییێ ئەمریکا و محەمەد شیاع سوودانی، سەرۆک وەزیرێن عیراقێ دوپات دكه‌ن، پێدڤیە چەک د دەستێ دەولەتێدا بن نە د دەستێ گرۆپێن چەکداردا.
مەحمود مەشهەدانی، سەرۆکێ پەرلەمانێ عیراقێ د لێدوانەکا رۆژنامەڤانی دا راگەهاند: دۆناڵد ترامپ، سەرۆکێ هەلبژارتییێ ئەمریکا ب محەمەد شیاع سوودانی، سەرۆک وەزیرێن عیراقێ گۆتیە، پێدڤیە چەک د دەستێ دەولەتێدا بن نە د دەستێ گروپێن چەکداردا.
لدۆر بەرسڤا سوودانی بۆ داخوازا ترامپ، مەشهەدانی گۆت:”حکومەتا عیراقێ کار دکەت دا کو هەموو جۆرێن چەکان د دەستێ دەولەتێدا بن.”
سەرۆکێ پەرلەمانێ عیراقێ د بەشەکێ دی یێ ئاخفتنێن خۆ دا ئاماژە ب وێ یەکێ ژی کر، گروپێن چەکدار هێرشێن خۆ بۆ سەر هێزێن ئەمریکا راوەستاندینە و د ڤان دەمان دا هەبوونا هێزێن ئەمریکا دێ یاسایی بت.