ناڤەندا نووچەیان – سەما
كۆمه‌لا جڤاكا ئێزديان ل باژێرێ تۆمبا ل وه‌لاتێ ئوستراليا هاته دامه‌زراندن و ئێكه‌م كۆمبوونا خۆ كر.
شه‌مبوويێ 7ى كانوونا ئێكێ 2024ێ، سالم حسێن، ئێك ژ ئه‌ندامێن كۆمه‌لا جڤاكا ئێزديان بۆ سه‌ما راگه‌هاند: ئه‌ڤ كۆمه‌له ل سه‌ر ده‌ستێ كۆمه‌كا گه‌نجێن ئێزديان هاتيه دامه‌زراندن و ئێكه‌م كۆمبوونا خۆ ئه‌نجامدا و چه‌ندين پرس و مژارێن گرێدايى ب ره‌وشا ئێزديان ڤه گوتۆبێژكرن.
هه‌روه‌سا گۆت: “ئارمانجا وان دێ خزمه‌تكرنا زمان، كه‌لتۆر و پاراستنا داب ونه‌ريت و دانه‌نياسينا ئێزديان بت بۆ جڤاكێن ديتر”.
ئه‌ندامێ كۆمه‌لێ باس ل وێ چه‌ندێ ژى كر، وه‌ك پێنگاڤێن داهاتى دێ ل گه‌ل حكومه‌ت و رێكخراوان په‌يوه‌نديان خورت كه‌ين، داكو بكارين باشتر خزمه‌تا جڤاكا خۆ بكه‌ين.
پشتى جينۆسايدا ئێزديان ل 3ى ته‌باخا 2014ێ ل سه‌ر ده‌ستێ رێكخراوا داعش يا تيرۆرستى، زێده‌ترى 2 هه‌زار كۆچبه‌رى وه‌لاتێ ئوستراليا بوون و ژيانا خۆ ل وێده‌رێ ده‌رباز دكه‌ن.