ناڤەندا نووچەیان – سەما
ئيرۆ پێنج شه‌مبوويێ 30ى كانوونا دووێ 2025ێ، ل ده‌مژمێر 9ى سپێدێ ده‌ست ب دابه‌شكرنا مينحه‌يا مه‌ها 1يا سه‌رۆكوه‌زيران مه‌سرور بارزانى ل سه‌ر رزگاربوويێن ئێزدى ل قەزا شێخان ل ئاڤاهیێ بنگەهێ لالش هاته كرن.
هه‌روه‌سا دهه‌مان رۆژدا ل ده‌مژمێر 2ى پشتى نيڤرۆ دێ مينحه ل هۆڵا لالش ل كۆمه‌لگه‌ها شاريا ئێته دابه‌شكرن.
به‌رده‌وامبدان ب دابه‌شكرنا مينحه‌يێ، سبه‌ى ڕۆژا ئينيێ 31-1-2025ێ دێ ل ناحیا خانکێ و کۆمەلگەها دێرەبوونێ رزگاربوویێن ئێزدی دێ مینحەیا دارایی وەرگرن.
ل رۆژا شه‌مبوويێ 1-2-2025تا 6ى مه‌هێ، دێ مينحه ل باره‌گايێ بنگه‌هێ لالش ل دهۆكێ ل ده‌مژمێر 10ى سپێدێ تا 4ى پشتى نيڤرۆ ئێته دابه‌شكرن.
ب بريارا مه‌سرور بارزانى، سه‌رۆكێ حكومه‌تا هه‌رێما كوردستانێ، هاريكاريا دارايى مه‌هانه دێ ل سه‌ر پتر ژ 3500 رزگاربوويێن ئێزدى ژ ده‌ستێ داعشێ ئێته دابه‌شكرن.