ناڤەندا نووچەیان – سەما
سمبولا ئێزديان ب فه‌رمى وه‌كو پوول ل پۆسته‌خانێن وه‌لاتێ ئه‌لمانيا هاته قه‌بوولكرن و ب پێنگاڤه‌كا ديرۆكى بۆ ئێزديان دئێته ل قه‌له‌مدان.
نه‌ديم ئه‌ركش، چالاكڤانێ ئێزدى ل ئه‌لمانيا، ئيرۆ سێ شه‌مبوويێ 7ى كانوونا ئێكێ 2025ێ، بۆ سه‌ما راگه‌هاند: هه‌ر ل رێكه‌فتى 1/1/2025ێ، پۆسته‌خانێن ئه‌لمانیا بریاردا كو نیشانا تاووسى مه‌له‌ك كو نیشانه‌كا پیرۆز یا ئێزدیانه، ل سه‌ر ته‌ڤايا پۆسته‌خانێن وان بێته دانان و وەک پوولا پوستێن گه‌هاندنێ هاتیە چاپکرن و ئێدى ئێزدى دكارن پۆستێن خۆ ل سه‌ر ڤێ نيشانێ ڤرێكه‌ن.
چالاكڤانێ ئێزدى دوپاتكر، ئەڤ پوولە دێ بتە بەشەک ژ دیرۆکا نوو یا ئێزدیا ل ئەلمانیا و دەرڤەی وێ، تاووسێ مەلەک کو نیشانا سەرەکى یا ئۆلا ئێزدیا یە، نوكه دێ گەهتە هەموو مالێن ئێزديان ل ئەلمانیا ب ڕێیا ڤان پوولان.
دا زانين ژى: ل باژێرێ ڤێسه‌ل ل ئه‌لمانيا پۆسته‌خانه‌كا ئێزديان هه‌يه، به‌رى نوك كار بڤێ بريارێ دكر و نوكه ل سه‌رانسه‌رى وى وه‌لاتى هاته قه‌بوولكرن.
ل گۆڕه‌ى ئاماره‌كا فه‌رمى يا وه‌لاتێ ئه‌لمانيا، ل سالا 2023ێ هه‌ژمارا ئێزديان ل وى وه‌لاتى گه‌هشتيه 260 هه‌زار كه‌سان و ل دووڤ گۆتنێن چالاكڤانێن ئێزديان نوكه ئه‌ڤ رێژه بۆ زێده‌ترى 300 هه‌زار كه‌سان زێده‌بوويه.
