ب هه‌لكه‌فتا ده‌ربازبوونا 26 سالان ل سه‌ر دامه‌زراندنا ته‌له‌ڤزيۆنا كوردستان تیڤی، جوانترين پیرۆزباهیان ئاراسته‌ی سه‌رۆك و كارگێر و كارمه‌ندێن كوردستان تیڤی دكه‌ين، يێ كو بوويه ئێكه‌م ته‌له‌ڤزيۆنا ئاسمانى يا فه‌رمى ل سه‌رانسه‌رى كوردستانێ و ب ڕێكا ڤی كه‌نالی نه‌ته‌وا كورد ده‌نگێ خۆ گه‌هانديه سه‌رتاسه‌رى جیهانێ.
كوردستان تیڤی ئه‌ڤه بیست و شه‌ش ساله تێكۆشينا خۆ به‌رده‌وام دكه‌ت و هه‌ر ژ ده‌ستپێكێ ب دلسۆزى و ب دروستى و شاره‌زايى كارێ خۆ بهجـ ئينايه و بوويه پرا په‌يوه‌نديیان دناڤبه‌را خه‌لكێ كوردستانێ ل هندور و ده‌رڤه و سيمايێ گه‌ش يێ مله‌تێ مه ب جيهانێ دايه ناسين.
ئه‌م وه‌كو ئێزدى ژ ئاليێ جڤاكى و ئۆلى ڤه هه‌ر ژ ده‌سپێكا دامه‌زراندنێ هه‌تا نۆكه پشكدار بووينه د وه‌شانا ڤێ ته‌له‌ڤزيۆنێ دا و ئيرۆ ژى ل بن چاڤدێريا بنگه‌هێ لالش ب ڕێيا به‌رنامێ سه‌ما هه‌موو باوه‌رى و هزرێن ئێزديان ب زمانه‌كێ ئه‌كاديمى به‌لاڤ دكه‌ين.
هيڤيدارين ب ڤى ڕه‌نگێ نه‌ته‌وه‌يى و وه‌لاتپارێزى د خزمه‌تا گه‌هاندنا په‌ياما دروست و ڕاست و پێكڤه‌ژيانا هه‌رێما كوردستانێ دا د به‌رده‌وام بن، هيڤيا سه‌ركه‌فتن و به‌رده‌واميێ بۆ وه دخوازين و جاره‌كا دى پيرۆزبت ئه‌ڤ سالڤه‌گه‌ره.
ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌ڵایه‌تی/دهۆك
16/1/2025