سەما
هونه‌رمه‌ند بارزان عه‌بوو نووترين به‌رهه‌مێ خۆ ب ناڤێ “بووك و زاڤا” ب شێوێ ڤیدیۆکلیپ ل چەناڵێ یوتیوب به‌لاڤكر؛هه‌ڤده‌م ئاماژێ ب وێ چه‌ندێ دكهت، ئه‌ڤه كليپا دووێ يه ژ ئه‌لبووما وى.
دڤى وارى دا بارزان عه‌بوو تايبه‌ت بۆ سه‌ما گۆت: ژ په‌يڤێن عوبێد عومه‌ر و ئاوازێن شامل ب ريڤكانى يه و تامه‌كا فلكلۆرى تێدايه و ناڤه‌ڕۆكا وێ ئه‌وه كو ل سه‌رده‌مێ به‌رێ چاوا بووك دڤه‌گوهاستن و هه‌ڤالێن وێ دهاتن و كاروبارێن وێ دكرن و دخه‌ملاند، هه‌روه‌سا كه‌سوكارێن زاڤاى دبه‌نه سه‌ر ئاڤێ و رێك و پێك دكه‌ن.
هونه‌رمه‌ندى ئاماژه ب وێ چه‌ندێ كر، ستران ل سێ جهان هاتيه ڤيديۆكرن. دبێژت: زێده‌ترى 40 كه‌سان پشكدارى دكارێ كليپێ دا كريه و نوكه ل چه‌نالێ يوتيويى هاتيه به‌لاڤكرن.
ناڤبرى ديار ژى كر، هه‌ردو هه‌يڤان يان وه‌رزه‌كى سالێ دێ سترانه‌كێ كليپ كه‌م، هه‌تا ئه‌لبووم خلاس دبت و ل نێزيك دێ ده‌ست ب به‌رهه‌مێ سێيێ ژى كه‌م.