ناڤەندا نووچەیان – سەما
ئه‌ندامه‌كێ په‌رله‌مانێ عيراقێ راگه‌هاند، ئاسته‌نگ د لقێ ده‌زگه‌هێ شه‌هیدان ل پارێزگه‌ها نه‌ینه‌وا دا هه‌يه و کارتێکرنێ ل سه‌ر بجهئينانا مامه‌له‌يێن که‌سوکارێن قوربانیان دکه‌ت.
مه‌حما خه‌ليل، ئه‌ندامێ په‌رله‌مانێ عيراقێ ل سه‌ر فراكسيۆنا پارتى ديموكراتى كوردستان، ئيرۆ 21ى كانوونا دووێ 2025ێ، سه‌ره‌دانا باره‌گایێ ده‌زگه‌هێ شه‌هیدێن عیراقێ ل به‌غدا کر و دگه‌ل سه‌رۆکێ ده‌زگه‌هى عه‌بدولئیلاه نائیلی کۆمبوو.
ل گۆڕه‌ى نڤيسينگه‌ها راگه‌هاندنا په‌رله‌مانتار مه‌حما خه‌ليل به‌لاڤكريه، د کۆمبوونێ دا دۆسه‌یا مافێن که‌سوکارێن شه‌هیدان و ده‌ستکه‌فتێن وان هاته گه‌نگه‌شه کرن و جه‌خت ل سه‌ر گرنگیا لادانا ئاسته‌نگێن کو رێ ل به‌ر پێشڤه‌چوونا مامه‌لێن که‌سوکارێن قوربانیان دگرن کر.
هه‌روه‌سا په‌رله‌مانتارى ئاماژه ب هه‌بوونا ئاسته‌نگان د لقێ ده‌زگه‌هێ شه‌هیدان ل پارێزگه‌ها نه‌ینه‌وا دا کر، کو کارتێکرنێ ل سه‌ر بجهئينانا مامه‌له‌يێن که‌سوکارێن قوربانیان دکه‌ت.
دوپاتكر، ل سه‌ر داخوازا په‌رله‌مانتارى سه‌رۆكێ ده‌زگه‌هێ شه‌هیدێن عیراقێ فه‌رمانه‌ک ده‌رکر ب هه‌لوه‌شاندنا مه‌رجێ هه‌بوونا که‌فیلى بۆ هه‌ر مامه‌له‌يه‌‌کێ ب سه‌ربه‌خۆ و ب تنێ ئێك که‌فیل بۆ هه‌ر خێزانه‌كێ بت، ئه‌وژی ژبۆ ئاسانکرنا رێکاران و سفککرنا بارێ که‌سوکارێن شه‌هیدان.