ناڤەندا نووچەیان – سەما
پرۆژە یاسایا لێبوورينا گشتی كو ژلايێ په‌رله‌مانێ عيراقێ ڤه هاتيه په‌سه‌ندكرن، ئێزدى دلگران كرينه و جڤاتا روحانى يا بلند يا ئێزديان دێ كۆمبوونه‌كا تايبه‌ت ل سه‌ر پرۆژە یاسایێ كه‌ت.
د. فارس كتى، شێوه‌رمه‌ندێ جڤاتا روحانى يا بلند يا ئێزديان ، ئيرۆ 26ى كانوونا دووێ س2025ێ، بۆ سه‌ما راگه‌هاند: پرۆژە یاسایا لێبوورينا گشتی ئێزدى دلگران كرينه،ئه‌ڤ مژار بۆ جڤاتا روحانى هاتيه پێشنياركرن و ل نێزيك دێ كۆمبوونه‌كا تايبه‌ت ل سه‌ر ڤێ ياسايێ ئه‌نجام ده‌ت.
شێوه‌رمه‌ندێ جڤاتا روحانى يا بلند يا ئێزديان گۆتژى: ره‌وشا ئێزديێن سووريێ هێشتا يا ئالۆزه و ره‌وش دگوهۆرينێن به‌رده‌وام دايه، بۆ هندێ جڤاتا روحانى دێ ل دۆر بارودۆخێ وان ژى كۆم بت.
ياسايا لێبوورينا گشتی چەند بۆ سوننەيان جێی دڵخۆشی بت، بۆ ئێزدیان دو جاران به‌روڤاژى يه، ترسا ئێزدیان ل د هندێ دايه لێبوورين ئەوان چەکداران ڤه‌گرت کو دەست د کوشتن و ره‌ڤاندنا ب هەزاران ئێزديان دا هەی و تاوانبار ژى نەگەهنه سزایێ خۆ.
10ساڵە جينۆسايد ل دژى ئێزديان ژلايێ تيرۆرستێن داعشێ ڤه هاتيه ئه‌نجامدان، هیڤيا وان ئه‌و بوو حکومەتا عيراقێ وەکو وه‌لاتێن دی رەزامەنديێ ل سەر ب جینۆساید ناساندنا ئێزدیان بده‌ت، ئه‌و ب چاڤێ خۆ دبینن دەنگ ل سەر یاسایا لێبوورينا گشتی ددەن، گه‌له‌ك تیرۆرست و کەسێن دی کو بووينە ئه‌گه‌رێ کوشتنا ئێزدیان دێ ئێنه ئازاد کرن و ناگه‌هنه سزایێ خۆ.