ناڤه‌ندا نووچه‌يان – سه‌ما
سەرۆکێ ناڤەندا ستراتیژی یا مافێن مرۆڤی ل عیراقێ، فازل ئەلغەراوی راگەهاند، ل ساڵا 2024ێ بەردەوامیا مەترسیدار یا دیاردەیا توندوتیژیێ دژی زاڕۆکان دیتیە و ژمارەکا پیڤانی یا قوربانی و پێشێلکرنان هاتینە تۆمارکرن.
ل گۆر غەراوی، دیاردەیا توندوتیژیێ دژی زاڕۆکان ل عیراقێ ل سالێن 2024-2025 زێدە بوویە، ل ساڵا 2024ێ رێژا هێرشکرنێ ل سەر زاڕۆکان زێدە بوویە و ئەو هێرشێن ژ لایێ دایک و بابان ڤە دئێنە تۆمارکرن نێزیکی 6٪ ژ هەموو حالەتێن توندوتیژیا مالباتی ل وی وەلاتی پێک دئینن.
ئەلغەراوی ئاماژە ب وێ چه‌ندێ دا، ئەڤ رێژە دبت ب تەمامی راستیێ نیشان نەدەت، چنکو گەلەک ژ حالەتێن توندوتیژیێ دژی زاڕۆکان ژبەر شەرمەزاریا جڤاکی یان ترسا تۆلەستاندنێ نەهاتینە راپۆرتکرن.
غەراوی داخواز ژ حکومەتێ و دامەزراوێن پەیوەندیدار کر کو رێکارێن لەز و گشتگیر بگرنە بەر بۆ پاراستنا زاڕۆکان ژ هەمو جۆرێن توندوتیژیێ، ژ وان بهێزکرنا یاسایا نیشتمانی، دابینکرنا پشتەڤانیا دەروونی بۆ قوربانیان، و بلندکرنا هشیاریا جڤاکی دەربارەی مەترسیێن توندوتیژیێ و کاریگەریێن وێ یێن نەرێنی ل سەر نفشێن پاشەرۆژێ.
