ناڤه‌ندا نووچه‌یان – سه‌ما
ئيرۆ شه‌مبوويێ 8ى شوباتا 2025ێ، شێخ مورشيد خه‌زنه‌وى، زانایێ ئۆلی یێ ڕۆژئاڤایێ كوردستانێ سه‌ره‌دانا په‌رستگه‌ها پیرۆزا لالش كر و ژلایێ مير عسمه‌ت ته‌حسين به‌گ، نوونه‌رێ میرێ ئێزدییان ڤه هاته پێشوازیكرن.
د سه‌ره‌دانا خۆ دا، شێخ مورشيد خه‌زنه‌وى، زانایێ ئۆلی یێ ڕۆژئاڤایێ كوردستانێ دياركر، ژ كه‌ڤندا برايه‌تيا دناڤبه‌را ئێزديان و واندا هه‌بوويه و خواست ڕێزى ل پيرۆزيێن هه‌ڤدو بگرين و ئێك و دو قه‌بوول بكه‌ين و گيانێ پێكڤه‌ژيانێ خورتر ببت و ئه‌م پێكڤه ئێك ده‌ست بين بۆ پاراستنا وه‌لاتێ خۆ.
زانایێ ئۆلی گه‌ريانه‌ك دناڤ هوندورێ گه‌ليێ لالشێ دا كر، پاشان مير عسمه‌ت نوونه‌رێ میرێ ئێزدییان شرۆڤه‌كرنه‌ك دا سه‌ر ديرۆك و كه‌ڤنارى و رێوره‌سمێن ل په‌رستگه‌هێ دئێنه گێڕان.