ناڤه‌ندا نووچه‌یان – سه‌ما
ژ سه‌رجه‌مێ نێزيكى 500 به‌شداربوويێن به‌ريكانا لالش، پازده كه‌س وه‌كو سه‌ركه‌فتيێن به‌ريكانێ هاتنه ده‌ست نيشانكرن.
بنگه‌هێ لالش ل دهۆكێ ئه‌نجامێن به‌ريكانا لالش “پرسيار و خه‌ڵات”، ئيرۆ ئێك شه‌مبوويێ 9ى شوباتا 2025ێ، راگه‌هاندن، پشتى پازده كه‌سان كارى به‌رسڤا هه‌موو پرسياران بده‌ن وه‌كو سه‌ركه‌فتيێن به‌ريكانێ هاتنه دياركرن.
برياره ل ڕۆژا ئينيێ 14-2-2025ێ، ل ده‌مژمێر 4ى هێڤارى ل باره‌گايێ بنگه‌هێ لالش ل دهۆكێ درێوره‌سمه‌كێ دا، خه‌ڵات بسه‌ر سه‌ركه‌فتيێن به‌ريكانێ دا بێنه دابه‌شكرن.
دوهى ڕۆژا شه‌مبوويێ، ب پشته‌ڤانيا نڤيسينگه‌ها رێزدار مه‌سرور بارزانى، سه‌رۆكێ حكومه‌تا هه‌رێما كوردستانێ، به‌ريكانا لالش ژلايێ ده‌سته‌يا بلندا بنگەهێ لالش يێ رەوشەنبيرى وكۆمەڵايەتى ل دهۆكێ و بنگه‌هێ لالش تايێ خانكێ بۆ نێزيكى 500 گه‌نج و لاو و قوتابيان هاته ئه‌نجامدان.