ناڤەندا نووچەیان – سه‌ما
ب ئاماده‌بوونا پارێزگارێ نه‌ينه‌وا و سه‌رۆكێ زانكۆيا مووسل و راگرێ كوليژا ياسا و چه‌ندين مامۆستايێن زانكۆيێ و لژنا گەنگەشێ ل زانکۆیا مووسل، گەنگەشا ناما دکتۆرایێ یا قوتابیێ خواندنا بلند ل کولیژا ياسايێ(د. سه‌عيد خودێدا) ئەوا لژێر ناڤونیشانێ (اليات جبر الضرر في تشريع المالي العراقي – دراسة مقارنة) هاتە ئەنجامدان.
پشتی گەنگەشەکا زانستی ل سەر ڤێ نامێ هاتیەکرن و بەرچاڤ وەرگرتن و بەرگریا ڤەکۆلەرى ژ ناما خۆ، لژنا گەنگەشێ بڕیاردا ب بەخشینا باوەرناما دکتۆرایێ ب ڤەکۆلەرى.
د. سه‌عيد خودێدا قولو گۆت: وه‌كو ئێكه‌م قوتابيێ ئێزدى باوه‌رنامه‌يا دكتۆرايێ دڤى بوارى دا ل سه‌ر ئاستێ پارێزگه‌ها نه‌ينه‌وا بده‌ستڤه‌دئينم.
گۆتژى: ئارمانج ژ ڤه‌كۆلينا وى ئه‌وا بناڤ و نيشانێ(اليات جبر الضرر في تشريع المالي العراقي – دراسة مقارنة)، ڤه‌كۆلينه‌كا نوويه بۆ هندێ پتر هاريكاريا قوربانيێن جينۆسايدا ئێزديان بكه‌م و رێكێن ياسايى يێن دروست نيشا وان بده‌م كا چاوا داخوازا مافێن خۆ بكه‌ن و ب تايبه‌ت ئه‌وێن ياسايا رزگاربوويان ژێ نه‌گرتين.
د. سه‌عيد خودێدا، ئاماژه ب وێ چه‌ندێ دا، مينحه‌يا سه‌رۆكێ حكومه‌تا هه‌رێما كوردستانێ رێزدار مه‌سرور بارزانى بۆ رزگاربوويێن ئێزدى، پشكه‌كه ژ ڤه‌كۆلينا من و ئارمانج ژێ دووباره پێگه‌هاندنا رزگاربوويان و خۆگونجاندنا وانه بۆ ناڤ كۆمه‌لگه‌هێ.
بۆ زانين ناڤهاتى ته‌مه‌ن 34 سالى خه‌لكێ گوندێ خانه‌سۆرێ يه ل باكورێ چيايێ شنگالێ و خواندنا خۆ ل شنگال ده‌ستپێكريه و به‌كالوريۆس ل پارێزگه‌ها دهۆكێ و ماسته‌ر ل هه‌ولێرا پايته‌خت و دكتۆرا ل مووسلێ ته‌مامكريه.