ناڤه‌ندا نووچه‌یان – سه‌ما
تۆماس تۆخێل یێ ئەلمانى، ڕاهێنەرێ ئینگلتەرایێ، سەرەڕاى سەرکەفتنا وان ل سەر ئەلبانیا، ڕەخنە ل ئاستێ یاریزانێن خۆ گرت.
تۆخێل پشتى یاریێ ژ ئای تی ڤی رە گۆت: “پێتڤى ب لڤینێن مەزنتر هەبوو ل دەڤەرا سزایێ، پێتڤى بوو ئەم هوورتر بووبانە. تیپا مە وەکى پێتڤى کارتێکەر نەبوو”.
ڕاهێنەرى ئاماژە ب وێ چه‌ندێ دا، مە دكارى ئاستەکێ باشتر پێشکێش کربا، لێ دڤێت ئەم ئاستێ خۆ پتر باشتر بکەین. مە یارى ب باشى دەستپێکر و د هەشت خۆلەکێن ئێکێ دا 100% کۆنترۆلا تۆپێ د دەستێن مە دا بوو. مە وزەیەکا زۆر و پاسێن گەلەک نیشان دان”.
ڕاهێنەرێ ئینگلتەرایێ د داويا ئاخفتنا خۆ دا گۆت: “ئەم دخوازین کارتێکرنا پتر ل سەر باسکان هەبت. ئيرۆ د گێما دووێ دا، من هەست کر کو ئەم نە بلەز بووین، هەروەسا لڤینێن پێتڤى بێى تۆپێ ژى نەبوون”.