ناڤەندا نووچەیان – سەما
خه‌لكێ ناحيا سنوونێ گازنده‌يان ژ حكومه‌تا عيراقێ دكه‌ن، ب تایبەت د بیاڤێ رێکخستنا سرا پانزینێ و قەرەبالغيا ترۆمبێلان دا.
ناحیا سنوونێ مەزنترین ناحیە ل سەر ئاستێ عیراقێ، زێدەتر ژ ٩٥ ٪ ئاکنجیێن وێ ئێزدینە و شەش کۆمەلگەھ و چەندین گوندان بخۆڤه دگرت.
سەعدون حەسەن،وه‌ڵاتیەکێ سنوونێ یە بۆ سەما دياركر، ئێک ژ کێشەیێن سەرەکی یێن رۆژانه دناڤ سەنتەرێ ناحیێ دا دبینين، هەبوونا قەرەبالغەکا زێدەیە ل سرا پانزینێ دا، زێدەباری وێ چەندێ ل دەۆريانا وێ بتنێ دو پۆلیسێن هاتن و چوونێ هەينە، لێ ژبەر نەبوونا نیشانان قەرەبالغ ل وی جهی ژی پەیدا دبت، ئەڤ چەنده دبتە ئەگەر ئاسته‌نگى بۆ خه‌لكێ دروست ببت.
د سالا بۆرى دا لگۆڕ بەلاڤکرنەکا رێڤەبەریا هاتن وچوونێ ل پارێزگەها نەینەوا، بریار بوو نیشانێن ترافیکێ ل سەرانسەری سەنتەرێ قەزا شنگالێ و ناحیا سنوونێ بێنە دانان، لێ هێژ خەلک چاڤەرێیە و نەهاتینە دانان.
سنوونێ ل داوییا سالا ٢٠١٥ ژلايێ هێزێن پێشمه‌رگه‌يێن كوردستانێ ڤه ژ دەستێ تیرۆرستێن داعش هاتە رزگارکرن، پاشان هێدی هێدی خەلک ڤەگەریه سەنتەرێ ناحیێ و ده‌ووروبەران، لێ د نهۆ دا گازندا ژ رۆلێ حکومەتا عیراقێ دکەن.