ناڤه‌ندا نووچه‌يان – سه‌ما
سالڕۆژا جیهانی یا ئافرەتان وەک رێزگرتن ژبۆ هەول و خزمەت و تێکوشینا وان ل ژیانێ، ب چه‌ندين چالاكيان ژلايێ بنگەهێ لالش تايێ باعەدرێ ڤه هاته ساخكرن و ريز ل هه‌ژماره‌كا ئافره‌تان هاته گرتن.
پێنج شەمبوویێ، 6ى ئادارا 2025ێ، ب ئامادەبوونا صالح حه‌يده‌ر، بەرپرسێ لقێ بیست یێ پارتی دیموکراتی کوردستان و سه‌عيد جردۆ، سەرۆکێ دەستەیا بلندا بنگەهێ لالش و هه‌ڤال صالح نرمو،کارگێڕێ لقا 20 و نه‌جیم ئلیاس، بەرپرسێ لیژنا ناوچا باعەدرێ و بەرپرسا ئێکەتیا ئافرەتێن شێخان و ئافرەت و ئەندامێن دەستەکا رێڤەبەر یا بنگەهی، سالڕۆژا جیهانی یا ئافرەتان هاته ساخكرن.
ل دەستپێکێ خه‌لات باعەدری، بەرپرسێ بنگەهێ لالش تایێ باعه‌درێ بخێرهاتنا تەڤایا ئامادەبوویان کر و تەکەز ل سەر گرنگیا ڤان چالاکیان دا و رۆناهی ئێخستە سەر ئارمانجا بنگه‌هێ لالش نێزیک بوونە ژ هەموو تەخ و پێکهاتێن جڤاکی.
لدووڤدا بەرپرسێ لقا 20 یا پارتی دیموکراتی کوردستان و سەرۆکێ دەستەیا بلندا بنگەهێ لالش و بەرپرسا ئێکەتیا ئافرەتان د پەیڤێن خۆ دا چەند پرس و بابەتێن بالکێش و گرنگ لدۆر ڤێ یادێ و ڤێ تەخا گرنگا جڤاکی ئینانا زمان ڕۆل و خزمەتا تەخا جڤاکی بەرز و بلند نرخاندن دقادا هەموو بیاڤێن ژیانێ هەر ل دێر زەمان تا ئیرۆ رۆژ، ئەڤە و چەندین خالێن دیترێن گرنگ ب ڤێ هەلکەفتێ بەحس و پێشکێشی ئامادەبوویان کرن.
پاشی ئافرەتێن فەرمانبەر و خودان کار ل سەنتەرێ ناحیا باعەدرێ ژلایێ بنگەهێ لالش تایێ باعەدرێ ڤە هاتنە خەلاتکرن.