ناڤهندا نووچهیان – سهما
ڕێڤەبەریا گشتی یا ئاڤێ و ڕێکخراوا یونیسێف، ل ڕۆژا ئێك شهمبوويێ 23ى ئادارا 2024ێ، دوپاتكر کو ملیۆنان عيراقی رووبرووى ئاستەنگێن بدەستڤەئینانا ئاڤا ڤەخوارنێ دبن ژبەر هشکسالی و گوهۆڕينێن جیهانی یێن کەش و هەوایێ کو ل وەلاتی زێدە دبن.
د ڤی وارى دا سەرۆکێ تیما نەتەوەیی یا ئاڤێ و ڕێڤەبەرێ گشتی یێ ڕێڤەبەریا گشتی یا ئاڤێ گرنگیا پاراستنا کانیێن ئاڤێ دیارکر، دەمێ ئەم ڕووبڕوویێ کێمبوونا زێدە یا ئاڤێ دبین، بەرپرسیاریا پاراستنا ژێدهرێن دکەفتە دستویێ مە هەموویان دا.
رۆنكر ژى: ڕێڤەبەریا گشتی یا ئاڤێ دەست ب بجهئينانا پرۆژەیێن ستراتیژی و گرنگ کریە ب هەماهەنگی دگەل تیما نەتەوەیی یا ئاڤێ و ب پشتەڤانیا یونیسێف.
ديار ژى كر، پرۆژە ئەڤان خالان بخۆڤه دگرت ئهو ژى نووکرنا پلانێن بنەڕەتی یێن پرۆژەیێن ئاڤێ بۆ باشترکرنا خزمەتگۆزاریان، بکارئینانا سیستەمێ ئۆتۆماتیکی یێ ڕێڤەبرنا ئاڤێ بۆ دەستەبەرکرنا دابەشکرنەکا دادپەروەر، و وەرگرتنا چارەسەریێن داهێنەر بۆ پەیداکرنا ئاڤێ ب ڕێکا بهێزکرنا شیانێن کۆمکرنا داتایان و شرۆڤەکرنا وان. هەروەسا دانانا پلانا سەلامەتیا ئاڤێ بۆ دابینکرنا ئاڤا ڤەخوارنێ یا سەلامەت بۆ هەموو وەلاتیان، و بلندکرنا هشیاریێ دەربارەی گرنگیا بکارئینانا ئاڤێ ب شێوەیەکێ سەلامەت و پاراستنا وێ.
ل دووڤ دانەکا ژ ڕێڤەبەریێ و ڕێکخراوا ناڤنەتەوەیی، قەیرانا ئاڤێ ل عێراقێ زێدە دبت ژبەر بلندبوونا پلێن گەرمیێ و هشکسالی و بیابانبوونێ، چنکو ئەو ژ وەلاتێن هەرى زێدە کارتێکری ژ گوهارتنێن کەش و هەوایى.
ملیۆنان عيراقى، ب تایبەتی زاڕۆک، دگەل ئاستەنگێن بدەستڤەئینانا ئاڤا ڤەخوارنێ یا پاقژ رووبڕووى دبن ژبەر داكهفتنا ئاستێن ئاڤا روباران، کو ئەڤە ئەگەرا زێدەبوونا نهخۆشيان و ئاوارهبوونێ زێده دكهت.