ناڤه‌ندا نووچه‌يان – سه‌ما
یانەیا دهۆکێ سەرکەفتنەکا مێژوویی تۆمارکر و نیڤا رێکێ بۆ گەهشتن ب یاریا داویێ یا جاما کەنداڤی بۆ یانەیان بڕی، پشتی کو ژ یانەیا ئیتیفاقێ سەرکەفت.
د یاریا چوونا قۆناغا پێشداوایێ یا جاما کەنداڤی دا، یانەیا دهۆکێ بۆ ئێكه‌م جار د مێژوویا خۆ دا بەرامبەر یانەیا ئیتیفاقا سعودی یاری کر.
هزاران هاندەرێن ئیتیفاقێ ل یاریگەهێ ئامادەبوون، بۆ پشتەڤانيکرنا یانەیێ و هەر زوو یانەیا سعودی گوهاشتنەکا زۆر خستە سەر گۆلا یانەیا دهۆکێ، لێ چ مەترسی نەبوون، تەنها د ئێک ده‌ليڤه دا نەبت، ئەو ژی محەمەد ساڵح، گۆلپارێزێ یانەیا دهۆکێ دوروئێخست.
به‌رى ب داوى هاتنا نیڤا ئێکێ یا یاریێ ب دو خۆلەکان، مارلۆ دۆس سانتۆس، ئەستێرەیێ بەرازیلی ب لێدانا سەرێ گۆلەک بۆ یانەیا دهۆکێ تۆمارکر، ئەلهویێن چیا سعودیە و ئیتیفاق شۆک کرن و نیڤا ئێکێ د بەرژەوەندیا یانەیا مێڤان دا ب داوى هات.
د نیڤا دوێ دا، هەروەکی نیڤا ئێکێ کۆنترۆلا تۆپێ ل جەم ئیتیفاقێ بوو و دهۆکێ بەرگریەکا رێکخستی کر، دهۆکیان یاری ب گۆلەکا بێبەرامبەر بر، د ئێکەم روبەرووبوونا وان دا دگەل یانەیا سعودی سەرکەفتنەکا مێژوویی تۆمارکرن و ب سەرکەفتن ڤەگەريانه دهۆکێ.