ناڤه‌ندا نووچه‌يان – سه‌ما
ئيرۆ شه‌مبوويێ 15-3-2025ێ، ب مه‌ره‌ما نووكرنا سۆز و په‌یمانان ل سه‌ر ڕێبازا پیرۆزا بارزانیێ نه‌مر و كاك ئدریسێ هه‌رده‌م ساخ, ده‌سته‌يا بلندا بنگه‌هێ لالش ب گشت تايى و نڤيسينگه‌هێن خۆ ڤه سه‌ره‌دانا مه‌زارێ نه‌مران ل ده‌ڤه‌را بارزان كرن و ژلایێ شێخ خەلات بارزانی، نوونەرێ جه‌نابێ سەرۆك بارزانی ڤه ھاتنە پێشوازیکرن.
ل ده‌ستپێكێ شاندێ بنگه‌هێ لالش ب سه‌رۆكاتيا سه‌عيد جردۆ، سه‌رۆكێ بنگه‌هى و د. سه‌عيد خودێدا، جێگرێ سه‌رۆكێ بنگه‌هى و ئه‌ندامێن ده‌سته‌كا بلند و به‌رپرسێن تايى و نڤيسينگه‌هان، درێوره‌سماندا سەرەرای ھەڤخەمیا خۆ بۆ وه‌غه‌ركرنا بارزانیێ نه‌مر، تاجە گولینە ل سه‌ر گۆڕێن هه‌ردو نه‌مران دانان.
پاشان سه‌عيد جردۆ، سه‌رۆكێ بنگه‌هێ لالش ب ناڤێ شاندى په‌یڤه‌ک پێشکێشکر و روناهی ئێخسته سه‌ر خەبات و تێکۆشینا هەردو سەرکردەیێن نەمر مستەفایێ بارزانی و ئدریسێ جوانەمەرگ ل پێخەمەت دۆزا مللەتێ کورد ومافێن ڕەوا یێن هەموو پێکهاتێن کوردستانێ بوویە ئەگەر کو سەرەدانا مەزارێ نەمران ببیە رەوشەنبیریەک ل ناڤ هەموو پێکهات وتەخ وچینێن کوردستانێ دا.
سه‌رۆكێ بنگه‌هێ لالش گۆتژى: ئەم وەکو بنگەهێ لالش ساڵانە ڤێ سەرەدانێ ب ئەرکێ خۆ دزانین وب هەموو تایى ونڤیسینگەهێن لالش ل سەرانسەری دەڤەرێن ئێزدیا ب شانازی ڤە ڤی ئەرکی ئەنجام ددەین وسۆز و پەیمانا نوو دکەین، کو فەلسەفا برایەتی وپێکڤەژیان ویەکترقەبوولکرنێ کو رێبازا ڤان سەرکردەیێن بلیمەتبوو ل ناڤ جڤاکا کوردستانی خورت تر بکەین.
سه‌عيد جردۆ دوپاتكر، ئەم ب هیڤی وئۆمێدین کو جەنابێ سەرۆک و مەرجەع کاک مه‌سعود بارزانی و حکومەتا هەرێما کوردستانێ دێ ب هێز پشتەڤانێن مافێ ئێزدیان بن داکو مڵ ب مڵێ هەموو پێکهاتێن ڤی وەلاتی رۆڵێ خۆ بگێڕن ل ئاڤەدان و ئیدارەکرنا کوردستانەکا سەرفراز وبەختەوەر.
وه‌ك وه‌فادارى و ب مه‌ره‌ما نووکرنا سۆز و په‌یمانێن كوردایه‌تى و بیروباوه‌ران، سالانه ده‌سته‌يا بلندا بنگه‌هێ لالش دگه‌ل تايى و نڤيسينگه‌هێن خۆ سه‌ره‌دانا مه‌زارێ نه‌مران ل بارزان دكه‌ن.