ناڤه‌ندا نووچه‌يان – سه‌ما
ئيرۆ سێ شه‌مبوويێ 18-03-2025، ل باره‌گايێ بنگه‌هێ لالش یێ رەوشەنبیری و كۆمه‌ڵايه‌تى ل دهۆکێ، ماته‌مينا خودێ ژێ رازى عەبدولعەزیز قەوال سلێمان كرن.
ئه‌ندامێن جڤاتا روحانى يا ئێزديان ژوانژى پێشيمام فاروق و قه‌وال به‌هزاد سلێمان سڤۆ و زه‌لامێن ئۆلى و كه‌سايه‌تيێن ره‌وشه‌نبيرى و ئه‌كاديمى و مالباتێ پێشوازى ل شاندان ل پارێزگه‌ها دهۆكێ كرن بۆ پێشكێشكرنا پرسه و سه‌ره‌خۆشيێ.
ل هۆلا پێشوازيێ ل باره‌گايێ بنگه‌هێ لالش، پارێزگارێ دهۆكێ د. عه‌لى ته‌ته‌ر و چه‌ندين كه‌سايه‌تيێن حزبى و ئيدارى و ره‌وشه‌نبيرى و ئه‌كاديمى ژ پارێزگه‌ها دهۆكێ، زێده‌بارى نوونه‌رێن ئايينێن ئێزدى و موسڵمان به‌رهه‌ڤى ماته‌مينێ بوون.
مالباتا خودێ ژێ رازى دکتۆر عەبدولعەزیز قەوال سلێمان، ب ڕێكا سه‌ما سوپاسى و پێزانينێن خۆ ئاراسته‌ى هه‌ر كه‌سه‌كى دكه‌ين سه‌ره‌خۆشى پێشكێشى وان كرى ژ پێكهات و ئايينێن جودا جودا و كه‌سايه‌تيێن جڤاكى و ئايينى و سياسى و حزبى و ره‌وشه‌نبيرى و هتد.
ل رێككه‌فتى 13-3-2025ێ، نۆژدارێ ئێزدى د.عبدولعه‌زیز سلێمان سڤو، تايبه‌تمه‌ندێ نه‌خۆشيێن دڵ و هناڤا ل ئێك ژ نه‌خۆشخانێن تايبه‌ت ل باژێرێ دهۆكێ ژ ئه‌گه‌رێ نه‌خۆشيه‌كا گران وه‌غه‌را داويێ كر.
چه‌ندين ساله خزمەتا کەرتێ ساخلەمیێ و نه‌خۆشان کریە و ژ مالباته‌كا جڤاكى و ئايينى يا به‌رنياسه و برايێ سه‌رۆكێ قه‌والان يێ نوكه به‌هزاد قه‌وال سلێمان ييه و مامۆستایێ خانه‌نشينوويى يه ل کولیژا پزیشکی ل زانكۆيا دهۆكێ.