سەما تیڤی

به‌رهه‌ڤيێن گێرانا مه‌زنترین كۆنفرانسێ ئێزدیان دئێنه‌ كرن

ناڤه‌ندا نووچه‌يان – سه‌ما
به‌رهه‌ڤيێن گێرانا مه‌زنترین كۆنفرانسێ ئێزدیان ل زانكۆیا دهۆكێ دئێنه‌ كرن، بۆ ڤێ مه‌ره‌مێ ژى ئيرۆ ل بنگه‌هێ لالش كۆمبوونه‌ك هاته‌ كرن.

كۆنفرانس، بە پشته‌ڤانيا رێزدار مەسرور بارزانی سەرۆكێ حكومەتا هەرێما كوردستانێ دێ ئێته‌ ئه‌نجامدان.

سێ شه‌مبوويێ، 18ى ئادارا 2025ێ، ل باره‌گايێ بنگه‌هێ لالش ل دهۆكێ ب به‌رهه‌ڤبوونا د.كاروان محه‌مه‌د سابير ژ نڤیسینگه‌ها به‌رێز مه‌سرور بارزانی، سه‌رۆكێ حكومه‌تا هه‌رێما كوردستانێ و سه‌عید جردۆ، سه‌رۆكێ بنگه‌هێ لالش و د.داود سلێمان ئه‌تروشی، سه‌رۆكێ زانكۆیا دهۆكێ و د. سه‌عید خودێدا، جێگرێ سه‌رۆكێ بنگه‌هێ لالش و ئه‌ندامێن ده‌سته‌كێ و مامۆستايێ زانكۆيێ، به‌حسێ به‌رهه‌ڤيێن مه‌زنترین كۆنفرانسێ ئێزدیان ل زانكۆیا دهۆكێ هاته‌ كرن.

د نوكه‌ دا بنگەهێ لالش ب هەڤکاری دگەل زانکۆیا دهۆکێ، بەرهەڤیێن باش بۆ ڤى كۆنفرانسی کرينه‌.

هه‌ژمارەکا ڤەکۆلەران ژ زانکۆیێن هەرێما کوردستانێ و عيراقێ و وه‌ڵاتێن بیانی دێ بەشدارى كۆنفرانسى بن و بەحسا ئاین، داب، نەریت، مێژوو و جوگرافیا ئێزدیان ئێتە کرن.

برياره‌ ل رێككه‌فتى 29- 30/4/2025ێ، كۆنفرانسێ زانستى لژێر ناڤ و نيشانێ (ئێزدى: ئايين، كه‌لتوور- مێژوو و جوگرافيا) ب رێڤه‌بچت و ب ئێك ژ مه‌زنترين كۆنفرانسێ ئێزديان دئێته‌ دانان.

><