سەما تیڤی

ميرێ ئێزديان داخوازيه‌كێ ژ حكومەتا ئەلمانیا دكەت

ناڤه‌ندا نووچه‌یان – سه‌ما

مير حازم ته‌حسين به‌گ، ميرێ ئێزديان ل هه‌رێما كوردستانێ و عيراق و جيهانێ داخوازيه‌كێ ژ حكومه‌تا ئەلمانیا دكەت.

ميرێ ئێزديان راگه‌هاند: داخوازێ ل حكومه‌تا ئه‌لمانيا دكه‌ين ئێزديان و كێمينه‌يێن ديتر يێن عيراقێ ب هه‌ر ئه‌گه‌ره‌كى هه‌ى ديپۆرت نه‌كه‌ن.

ئاماژه‌ ب وێ چه‌ندێ دا، ئێزدى ئه‌لمانيا ب وه‌لاتێ خۆ يێ دوێ دبينن، ژبه‌ر هاريكاريێن حكومه‌تا ئه‌لمانيا پێشكێشى ئێزديان كرى.

هه‌روه‌سا ئاشكراكر: “ناساندنا جینۆسایدا ئێزدیان ل 3ى ته‌باخا 2014ێ، ژلايێ په‌رله‌مانێ ئه‌لمانيا ڤه‌ مه‌زنترين بەڵگەیە كو ئێزدى هاتينه‌ چه‌وساندن‌ و نابت دەربێخن”.

ميرێ ئێزديان دوپاتكر، هەموو بزاڤان دكه‌ن و د پەیوەندیێ دانه‌ ل گەل حكومەت و پەرلەمانێ ئەڵمانیا بۆ ڕاگرتنا بریارا ديپۆرتكرنا ئێزدیان.

گۆتژى: ئێزدیان و كێمينه‌يێن دى ل سالێن داویێ دا گه‌له‌ك ئازار كێشان و ديتن ژبەر هێرشا داعش بۆسه‌ر ده‌ڤه‌رێن وان.

ديار ژى كر، جینۆساید ل دژى مه‌ يا بەردەوامه‌، كو ئێزدی هەتا نوكە ل كەمپاندا دژین و ل هاڤین و زڤستانێ دا دناڵن.

><