ناڤه‌ندا نووچه‌یان – سه‌ما
بابه‌تێ فه‌رمی: پشتی زێدەتر ژ 10 سالان ژ وێرانبوونا ژێرخانه‌یا قه‌زا شنگالێ، كو د ئه‌نجامێ هێرشا چه‌كدارێن داعش دا ل هەیڤا ته‌باخا سالا 2014 ژ ئالیێ وی رێکخراوێ ڤه هاتبوو وێرانكرن، بریارە دووباره ده‌ست ب ئاڤاكرنا وێ قه‌زایێ بهێته كرن.
داخۆیانی: پارێزگارێ نه‌ینه‌وا عه‌بدولقادر ده‌خیل گۆت: “دێ ده‌ست ب پێنگاڤه‌كا نوو كه‌ین ژ بۆ ئاڤاكرنا قه‌زا شنگالێ ب رێكا به‌رنامه‌یه‌كی راستەقینە، ب پشته‌ڤانییە سه‌رۆك وه‌زیرێ عیراقێ محه‌مه‌د شیاع سوودانی.”
پێزانین: ژ سه‌رجه‌مێ 30 یه‌كه‌یێن كارگێری ل سنوورێ پارێزگه‌ها نەینەوا ژ روویێ ئاڤاده‌نكرنێ ڤه، خزمه‌ته‌كا باش ژ ئالیێ حكومه‌تا عیراقێ ڤه هاتیه دان، بتنێ قه‌زا شنگالێ نه‌بێت، هه‌تا نهو ژی ل هه‌مبه‌ر روو ب رووبوونەكا دژوارە.
به‌گراوه‌ند: ل رۆژا 28/4/2016، په‌رله‌مانێ عیراقێ ده‌نگ ل سه‌ر وێ چه‌ندێ دا كو شنگال باژێرەكی وێرانه و دێ ده‌ست ب ئاڤاكرنا وی هێته كرن، لێ ئه‌و بریار ژی ژ ئالیێ حكومه‌تا عیراقێ ڤه هه‌لاویستی مە و شنگال نه‌هاته ئاڤاكرن.