ناڤەندا نووچەیان – سه‌ما
وەزارەتا نەفتێ عیراقێ د داخوازیەکا فەرمی دا داخواز ژ ئاپیکۆر و وەزارەتا سامانێن سرۆشتی یێن هەرێما کوردستانێ کریە کو رۆژا سێ شەمبوويا ڤێ هەفتیێ شاندەکێ وان سەرەدانا بەغدا بکەت ژبۆ رێککەفتنێ ل سەر گرێبەستان.
وەزارەتا پەتڕۆلا عیراقێ ئيرۆ د ڕاگەهاندنەكێ دا، داخوازا وەزارەتا سامانێن سرۆشتی یا هه‌رێمێ و کۆمپانییێن جیهانییێن سەر ب (ئەپیکۆر) یێن كو گرێبەست دگەل حکومەتا هەرێما کوردستانێ هەین کریە، كو ڕۆژا سێ شەمبوویا بێت ل بەغدا ئامادەبن.
ل دووڤ ڕاگەهاندنێ، هەرسێ لایەن ب مەرەما دانوستاندنان ل دۆر بابه‌تێن تایبەت ب گرێبەستان بۆ گەهشتن ب لێكتێگەهشتەكا مفادار بۆ بەرژەوەندییێن نەتەوەیی دێ كۆمبن.
ل ئێڤاریا دوهی ئينيێ 28-2-2025 وەزارەتا پترۆلا عیراقێ راگەهاند، د چەند دەمژمێرێن داهاتی دا دەست ب هنارتنا نەفتا هەرێما کوردستانێ دێ کەن، بەلێ پشتی وێ 8 کۆمپانیێن بەرهەمهێنەرێن پترۆلێ ل هەرێما کوردستانێ (ئاپیکۆر) رەتکر کو پترۆلێ هنارده بکەن هەتا رێککەفتنەک نەئێتە کرن ژبۆ دانا مافێن داراییێن وان.