ناڤه‌ندا نووچه‌يان – سه‌ما
ب فەرمانا سەرۆکێ حکومەتا هەرێما کوردستانێ پارچه‌يێن ئه‌ردى دێ ل سەر فەرمانبەرێن کۆمسیۆنا باڵا یا سەربەخۆ یا هەلبژارتنێن عیراقێ ئێنە دابەشکرن.
ل سەر فەرمانا مەسرور بارزانی، سەرۆکێ حکومەتا هەرێما کوردستانێ و ب نڤيسارا فەرمی يا سەرۆكایەتیا ئەنجوومەنێ وەزیران كو ئاراستەی وەزارەتا شارەوانی و گەشتوگۆزارێ کریە، پارچه‌يێن ئه‌ردى دێ بسەر هەزار و 628 فەرمانبەرێن کۆمسیۆنا باڵا یا سەربەخۆ یا هەلبژارتنێن عیراقێ ئێنە دابەشکرن.
د وێ نڤیسارێ دا ب ژمارە (1188) ل ڕۆژا 7ی نیسانا 2025 ێ دا هاتییە: ل سەر ڕاسپاردا مەسرور بارزانی، سەرۆكێ حكومەتا هەرێما كوردستانێ، كارێ پێدڤی ئەنجام بدەن بۆ پێدانا پارچێن ئەردی بۆ فەرمانبەرێن كۆمسیۆنا بلندا سەربەخۆیا هەڵبژارتنێن عێراقێ، ب مەرجەكی پێشتر مفادار نەبن و هەمان ئەو مەرجە ل سەر بهێنە بجهئینان یێن كو ل سەر فەرمانبەرێن حكومەتا هەرێمێ دئێنە بجهئینان.
ب گۆڕەی ڤێ بڕیارێ، مەرجێن وەرگرتنا ئەردی بۆ ڤان فەرمانبەران هەمان مەرجن کو ل سەر فەرمانبەرێن حکومەتا هەرێمێ تێنە جێبەجێکرن، و پێتڤییە فەرمانبەران پێشتر مفا ژ ئەردی وەرنەگرتبن.
فەرمانبەرێن سوودمەند ئەون کو د دەستەیا هەلبژارتنێن هەرێما کوردستانێ و نڤیسینگەهێن هەلبژارتنێ یێن پارێزگەهێن هەولێر، سلێمانی و دهۆک دا کار دکەن.