من دەرگەهێ دلی گرت
هەی …گورگێن مرۆڤی
ژمێژڤە گەرەک بوو گرتن
نەمان…رەسەنێن تۆڤی
پەنجەرا سینگ ژی گرتیە
بدەریێ هش ڤە بە هیڤی
ئیدی ئەز ناێم خاپاندن
داڤێن وە دیارن لبەرجڤی
نە گرنژینا وە یاسەختە
وفێربوناوه یاپەسنا بدەڤی
ب راستیا خۆ دێ مینم
ب دڵێ پاك و ژیان بهەڤی
ناخازم چ مالی ژڤێ دنێ
نەزێر و زیڤ و پەز و زەڤی
ئەز خۆراگرم نا گوهۆڕم
نە ئەزم ژ راستێ د ڕەڤی
ب گهۆرینێ هون فێرن
لێڤ بکەنی ودڵ تەڤلهەڤی
ددانێن وە تژی ژەهرن
بەرچاڤ سەری لبن کولاڤی
نە ل ژێر دبی ونە ل ژۆر
پۆزبڵندی ل بن پێ دکەڤی
کەلەها من یا قەڵادارە
بدزی چ جارا سەر ناکەڤی
گۆتن ئێت من تیرکڤانن
تیرێ راستیێ راستە پێتڤی
ڤین پێتا ئاگرێ گوڕی
دڵێ منە کویستان وکەڤی
بگول ونێگزا دخەملی
ژێ دپژقە گۆڵاڤ و هیڤی
ئیرۆ دەمێ ئەرزانا یە
مرۆڤاتیێ دفرۆشن بدراڤی
هونن گورگێن مرۆڤی
هۆڤن کەهی نابە پەزکوڤی
دڕندەنە خوین مێژن
بهەڤاڵیێ دچکینن دەلاڤی
توخم زیرکن نە ژیرکن
هندی بۆڕبن ناگرن دەراڤی
مرۆڤێن هێژا برومەتن
ژهێتونا پاك شێر دبە رویڤی
زێر برقینا خۆ ژدەسناد
بزانن هەی گورگێن مرۆڤی
