ناڤه‌ندا نووچه‌يان – سه‌ما
ئەڤە دەمەکە پارتی و ئێکەتی مژوویلی پێکئینانا حکومەتا هەرێما کوردستانێ نە، پێکهاتە ژی چاڤێ وان ل وێ یەکێ یە کو پشکداریێ د حکومەتێ دا بکەن و د دەستهەڵاتا جێبەجێکرنێ دا ڕۆڵێ خۆ بگێڕن.
ئێزدی وەک پێکهاتەیەکی گرنگ و ڕەسەن، ڤێ جارێ دخوازن پشکداریییەکا باش ل گۆر قەبارە و گرنگیی و دیرۆکا وان ب وان بهێتەدان.
وەک دهێتە زانین، زۆربەیا ئێزدیێن ل هەرێما کوردستانێ ل پارێزگەها دهۆک و ئیدارا سەربەخۆیا زاخۆ دئاکنجینە و ل گۆر ژمارەیا وان زۆربەیا وان گەل پارتی دیموکراتی کوردستانن، کو ئەڤجارە بەربژێرا ئێزدی (وشیان خودێدا ئۆمۆ) ل گەل پارتی دیموکراتی کوردستان زێدەتر ژ ١٣ هەزار دەنگان ب دەست خستبوون.ئەو کەسێن ئێزدی یێن ل حکومەتا هەرێما کوردستانێ کابینا ٩ـێ، پۆست وەرگرتبوون:– (هەرمان میرزا بەگ)، راوێژکارێ سەرۆکێ حکومەتێ بۆ کاروبارێن ئێزدیان.
– (کەریم سلێمان) برێکارێ وەزارەتا چاندن و ژێدەرێن ئاڤێ.
– (سعود مستۆ)، رێڤەبەرێ گشتیێ کاروبارێن ئێزدیان ل وەزارەتا ئەوقاف و کاروبارێن ئۆلی.
– (د. خەیری عەلی ئوسۆ) ڕێڤەبەرێ گشتیێ گەشتوگوزارا دهۆکێ.
– (ریزان میرزا بەگ)، رێڤەبەرێ ناحیا باعەدرێ.
– (زەردەشت شێخ شامۆ) ڕێڤەبەرێ ناحیا خانکێ.
ل وەزارەتا خواندنا بلند و ڤەکۆلینێن زانستی ئەو پۆستێن ب ئێزدیان هاتینە دان:– (د. سەعید خودێدا)، راگرێ کۆلیژا زانستێن مرۆڤایەتی ل زانکۆیا دهۆکێ.
– (موئەیەد بەرەکات) هاریکارێ سەرۆکاتیا زانکۆیا پۆلیتیەکنیکا دهۆکێ.
ل ئیدارەیا سەربەخۆیا زاخۆ ژی ژمارەیەکا گوندێن ئێزدیان سەر ب وێ ئیدارێ ڤەنە پۆستەک ب ئێزدییان هاتییە دان.– (بشار معاویە) وەک ڕێڤەبەرێ ڕێک و پران ل زاخۆ.
ل قەزا شێخان کو قەزایەکا هێشتا دوو ئیدارەیی یە و میرگەها ئێزدیانە و ئەو ئێزدیێن کو سەر ب هەرێما کوردستانێ ڤەنە دکەڤنە ناحیا باعەدرێ، ئەوێن دی دکەڤنە سەر ب پارێزگەها مووسل ڤە.ئەو پۆستێن ئێزدیان وەرگرتین ل کابینەیا نەهێ:
– (قاسم سمۆ) ڕێڤەبەرێ ئاسایشا شێخان.
– (فەرەج عوسمان) ڕێڤەبەرێ پەروەردا شێخان.
– (کەریم کەمال) ڕێڤەبەرێ ساخلەمیا شێخان.
– (خیری خدر) ڕێڤەبەرێ ئاڤا شێخان.
سێمێل:ناحیا خانکێ و کۆمەڵگەها شاریا سەر ب قەزا سێمێلێ ڤەنە.
– (پیردەیان) وەک رێڤەبەرێ کۆچ و کۆچبەران ل دهۆکێ وەرگرتبوو.
– (جەعفەر سمۆ)، ڕێڤەبەرێ کاروبارێن ئێزدیان ل دهۆکێ.
ل قەزا تلکێف کو پەروەردەیا وێ یا زمانێ کوردی، پۆستێ ڕێڤەبەریێ (سلێمان حەجی) خەلکێ کۆمەڵگەها بابیرێ یە وەرگرتیە.ل قەزا شنگالێ ژی ڕێڤەبەرێ پەروەردا قەزایێ (میسر حاجی) ئەو پۆست وەرگرتبوو.ل ئیدارەیا خۆجهیا پارێزگەها دهۆک، کو ئێزدیان داخواز دکر کو جێگر یان قائیمقامێ دهۆکێ ب وان بهێتە دان، بەلێ ئەو پۆست ب مەسیحیان هاتە دان و (شمعون شلیمۆن) بووە جێگرێ پارێزگارێ دهۆکێ ل سەر پێکهاتەیێ مەسیحی.ئێزدی دخوازن د کابینەیا داهاتی دا (کابینەیا ١٠) پۆستێن وان زێدەتر لێ بهێن.ژێدەرەکی بۆ “سەماتیڤی” دیارکر، بڕیارە ل ئاستەکی بلند پۆست و پلە ب ئێزدیان بهێنەدان.دەربارەی ڤێ یەکێ، چالاکڤانەکی سیاسی ژی بۆ سەما دیارکر، پێدڤیە ئەو پۆست و پلەیێن ب ئێزدیان دهێنە دان ل گۆر ڤان خاڵان بن:* شیان و لێهاتوویی.
* کەسێن ژ هەژی بۆ جهێن ژ هەژی.
* ئەو پۆستێن بهێنەدان نە ل سەر ئاستێ (بنەمالان) بن.
* دڤێت گەنج بن بهێنە پێش.
ئەگەر بەراوردکرن بهێتە کرن، سەرەڕای کو ئێزدیان هیچ وەزارەتەک وەرنەگرتیە، پێکهاتەیێن دی وەک تورکمانان کو وەزارەتا پێکهاتەیان وەرگرتیە و (ئایدن مەعروف) وەزیرە، و مەسیحیان وەزارەتا ڤەگوهاستن و گەهاندنێ کو (ئانۆ جەوهەر) وەزیرە، و سەرۆکا دەستەیا مافێ مرۆڤ ژی (مونا یاقۆ) ل سەر پێکهاتەیێ مەسیحیان ئەو پۆست وەرگرتیە.ئامادەکرن، کاروان باعەدری