ناڤه‌ندا نووچه‌يان – سه‌ما
دوهى رۆژا ئێك شه‌مبوويێ، میر حازم ته‌حسین به‌گ ميرێ ئێزديان، پێشوازى ل شانده‌كێ په‌رلەمانێ بریتانيا ب سەرۆکاتیا جۆن سلیجەر كر.
پشتى بخێرهاتنا شاندێ مێهڤان، میرێ ئێزديان پەیوەندیێن ئێزدى-بریتانى ژ دەمێ دامەزراندنا دەولەتا عیراقێ و هەتا نوکە بەرچاڤکرن.
هه‌روه‌سا هەر دو لایان گەنگەشە ل سەر كه‌يسا جینۆسایدا ئێزدیا و دۆزا شنگالێ و رێکارێن بهێزکرنا ئێمناهى و ئارامیێ ل دەڤەرێ، و گەرەنتیکرنا ڤەگەریانا ئاوارەیان بۆ وارێن وان ب سه‌ربه‌رزى کر.
د دەمێ دانوستاندنێ دا، پێشنیار هاتە کرن کو تیمەکا نێڤدەولەتى بۆ لێگەریانێ ل دووڤ رەڤاندیێن ئێزدى، ژن و زه‌لامان بێتە پێکئینان.
ژلايێ خۆ ڤه، شاندێ مێهڤان ته‌كه‌زى ل سەر گرنگیا كه‌يسا ئێزدیا و گەهاندنا وێ بۆ رایا گشتى یا جیهانێ و بۆ حکومەتا بریتانیا و پشتەڤانیکرنا وێ یا نێڤدەولەتى ب شێوەیەکى بەردەوام كر.
ب گۆڕه‌ى ئامارێن نڤيسينگه‌ها رزگاركرنا ره‌ڤانديێن ئێزدى، هێشتا چاره‌نڤيسێ پترى دو هه‌زار ره‌ڤانديێن ئێزدى ژ هه‌ردو ره‌گه‌زان يێ ديار نينه.
