ناڤه‌ندا نووچه‌يان – سه‌ما
ب ئامادەبوونا سەرۆک بارزانی، بۆ ئێكه‌م جار ل هەرێما کوردستانێ ڕۆژا دوايا نشتیمانی ل ڕۆژێن 23 تاکو 25ـی نیسانا 2025 ل هەولێرا پايته‌خت دێ ب ڕێڤه‌چت.
دووشەمبوويێ، 21ـێ نیسانا 2025، ئەنجوومەنێ وەزیران د ڕاگەهاندنەکێ دا دیارکر، د دەستپێشخەریەکا بێهەمپا دا و ب ئامادەبوونا سەرۆک مەسعود بارزانی و بەرپرسێن بلند و سەرکردەیێن عيراقێ و هەرێما کوردستانێ و جیهانێ و پەرلەمانتارێن وەلاتێن دنیایێ و نوێنەرێن حکوومەتان ژ ئەمریکا و ئەورۆپا و ڕۆژهەلاتا ناڤین، د بن دروشمێ (بەرەف ئێکبوونێ د باوەریێ دا)، د ڕۆژێن 23-25ێ نیسانا 2025، بۆ جارا ئێکێ، ل هەرێما کوردستانێ و ل هەولێرا پایتەخت، ڕۆژا دوعایا نیشتیمانی دێ ئێتە گێڕان.
د ڕاگەهاندنێ دا هاتیە “بەشداربووی دێ د کۆمبوونەکا برایانەیا هەڤپشک دا و د کەشەکێ ڕوحانی یێ تژی دوا و پاڕانەوە بۆ خودایێ مەزن، ل هەولێرا پایتەخت پێکڤەژیانا ئاشتیانە و ئازادیا ئایینی کۆمببن و دوایێ بۆ هەرێما کوردستانێ بکەن کو پەناگەهەکا ئارامە بۆ هەموو پێکهاتێن ئایینی و نەتەوەیی و نموونەیەکا گەش یا پێکڤەژیانا ئاشتیانەیە د جیهانێ دا.