ناڤەندا نووچەیان – سەما
سەرۆکێ باژێرڤانيا شێخان ڕادگههينت، پڕۆژەیێ جووتسایدێ شێخان-لالش ب درێژاهيا ههشت كيلۆمهتران، ب داوى هاتييه و ل نێزيك ب فهرمى دێ ئێته ڤهكرن و كهفته دخزمهتا خهڵكێ دهڤهرێ دا.
شهمبوويێ6ـی ئەیلوولا 2025،خالد نەرمۆ، سەرۆکێ باژێرڤانيا شێخان بۆ سهما ئاشكراكر: پڕۆژه بهرى ماوێ خۆ يێ دياركرى تمامبوويه، درێژاهيا جووتسايدى ههشت كيلۆمهتر و 300مهترن، ب كوژمێ 26مليار و 484مليۆن ديناران هاتيه بجهئينان.
سەرۆکێ باژێرڤانيا شێخان ديار ژى كر، پشتى سەرهدانا مەسرور بارزانی، سەرۆکێ حکومەتا هەرێما کوردستانێ بۆ دهڤهرێ كو تێدا بەرێ بنياتێ ڕێكا باعەدرێ-دهۆکێ دانا، لایەنێن پەیوەندیدار ڕاسپاردن، دەست ب بجهئينانا پڕۆژەيى بکەن، لهوا ب ستانداردێن جیهانی دەست ب پڕۆژەيى هاته کرن کو دوو سایدە و سەنتەرێ قەزا شێخان ب لالشێ گرێددهت.
خالد نەرمۆ، ڕاگەهاند ژى: پڕۆژە بتنێ چەند ڕێکارێن ئیداری ماينه بۆ ڕادەستکرنێ، د ئایندەیەکێ نێزیکدا ب شێوەیەکی فەرمی دێ ئێته ڤهكرن، کو تهڤاهيا هێلکارى و هێمايێن هاتنوچوونێ، ههڤدهم ڕووناهى بۆ هاتينه كرن.
جووتسايدێ پهرستگهها لالش ب پرۆژهيهكێ گرنگ دئێته ل قهلهمدان و دێ ڕوودانێن هاتنوچوونێ كێم بن و پتر ئاسانكارى بۆ خهلكى ئێنه كرن ب تايبهت ل دهمێ جهژن و ههلكهفتان دا.
دكابينا نههى يا حكومهتا ههرێما كوردستانێ دا، چهندين پڕۆژهيێن خزمهتگۆزارى ل پهرستگهها لالش هاتينه ئهنجامدان و حكومهتا ههرێمێ گهلهك گرنگيێ ب ئێزديان ددهت.