سه‌ما
دێنیز ئونداڤ، هێرشبەرێ ئێزدى ل یانا شتوتگارتێ سەرکردایەتیا یانا خۆ کریە بۆ بده‌ستڤه‌ئينانا نازناڤێ جاما ئەڵمانیا و گەهشتنا یۆرۆپالیگا بۆ وەرزێ بێت.
دوهى ڕۆژا شه‌مبوويێ 24-5-2025، یاریا داويێ يا قه‌هره‌مانيێ ل یاریگەها ئۆڵمپى ل بەرلینێ هاتە ئەنجامدان، هەردوو یانێن شتوتگارت و ئەرمینیا بیلیفێڵد رووبەڕووی ئێكبوون.
ياريێ ده‌ستپێكر و پشتى 15خۆله‌كێن ياريكرنێ، نيك ڤۆلتێماد گۆڵا پێشکەفتنێ و ل خۆلەکا 22ێ ده‌نیز ئونداڤ ئاسیستێ کر و ئینزۆ میلۆی فەرەنسی گۆڵا دووێ بۆ شتوتگارتێ تۆمارکرن.
ياريزانێ ئێزدى و ستێرا كوردى پشتى تۆماركرنا گۆلان، ديلانا كورده‌وارى كر و خۆشحاليا خۆ ده‌ربرى.
نیڤا ئێكێ يا یاریێ ب سێ گۆڵێن بێ بەرامبەر د بەرژەوەندیا شتوتگارتێ دا ب داوى هات.
ل خۆلا 65ێ ئینزۆ میلۆ گۆڵا دووێ يا خۆ و چارێ يا یانێ تۆمارکر و شتوتگارت زێده‌تر بۆ وەرگرتنا نازناڤى نێزیک كر.
هه‌روه‌سا ل خۆلەکا 82ێ یوکیان کانیا ئەنجام گۆهۆرى و گۆڵەک بۆ ئەرمینیایێ تۆمارکر، پاشێ جۆشوا ڤاگنۆمان ب شاشى گۆڵا دووێ يا وێ یانێ ل دژی شتوتگارتێ تۆمارکر.
یاریێ ب چار گۆڵان بەرامبەر دوو گۆڵان ل بەرژەوەندیا شتوتگارتێ ب داوى هات.
یانه‌يا شتوتگارت بوو قه‌هره‌مانا جاما ئەڵمانیا و گەهشتە یۆرۆپالیگا وەرزێ بێت و جارا چارێ يه نازناڤى بده‌ستخۆڤه‌دئينت.
ده‌نيز ئونداف، ته‌مه‌ن 28سالى، ژ مالباته‌كا ئێزدى يه ل باژێرێ روها ل باكورێ كوردستاننێ، لێ ل وه‌لاتێ ئه‌لمانيا ژ دايكبوويه، نوك ياريزانێ يانه‌يا شتوتگارتێ و هه‌لبژارتيێ ئێكێ يێ ئه‌لمانيا يه، به‌رى نوكه دناڤ ڕێزێن يانه‌يا برايتون يا ئينگليزى دابوو، كو ڕۆله‌كێ ديار و ئاسته‌كێ بلند ل يانێ دا پێشكێشكر.