ناڤه‌ندا نووچه‌يان – سه‌ما
خالد نەرمۆ، سەرۆکێ باژێرڤانیا شێخان بۆ سه‌ما راگه‌هاند: نێزيكى 900 پارچه‌يێن ئه‌ردى بۆ دابه‌شكرنێ بسه‌ر فه‌رمانبه‌ران دا هاتينه ئاماده‌كرن.
چارشه‌مبوويێ 5ى شوباتا 2025ێ، ئەندازیار خالد نەرمۆ، سەرۆکێ باژێرڤانیا شێخان بۆ سه‌ما راگه‌هاند: پشتی بریارا رێزدار مه‌سرور بارزانی، سه‌رۆكێ حكومه‌تا هه‌رێما كوردستانێ بۆ دابه‌شكرنا پارچه زه‌ڤییان ب سه‌ر فه‌رمانبه‌ران و ته‌خ و چینێن كوردستانێ دا هاتيه دان، سه‌رۆكاتیا باژێرڤانیا شێخان رێكارێن ئاماده‌كرنا پارچێن ئه‌ردی دگه‌ل رێڤه‌به‌ریێن تایبه‌تمه‌ند ب هه‌ڤكاری دگه‌ل پارێزگه‌ها دهۆكێ ته‌مامكرينه و نه‌خشه ژی هاتنه په‌سه‌ند كرن و ئەفراز کرن و هژمارەکرن.
سەرۆکێ باژێرڤانیا شێخان ئاشكراكر كر، نێزيكى 900 پارچه زه‌ڤی هاتینه ئاماده‌كرن ل دووڤ رێنمایێن وه‌زاره‌تا باژێرڤانی و گه‌شتوگۆزارێ ل هه‌رێما كوردستانێ و رێڤه‌به‌ریا گشتی يا باژێرڤانیان ل دهۆكێ، و د نها دا هه‌ر تشت ئاماده‌یه و بتنێ بریارێن سه‌رۆكاتیا ئه‌نجومه‌نێ وه‌زیران ل هه‌رێمێ پێدڤییه.
ناڤبرى راگه‌هاند ژى: هه‌رده‌ما ناڤێن فه‌رمانبه‌ران گه‌هشتنه باژێرڤانیێ لدووڤ رێكارێن یاسایی دێ ده‌ست ب قۆناغا دابه‌شكرنا پارچه‌يێن ئه‌ردى ئێته كرن.