ناڤه‌ندا نووچه‌یان – سه‌ما
وه‌زیرێ ژێده‌رێن ئاڤێ يێ حكومه‌تا عيراقێ ڕاگه‌هاند، ل گه‌ڵ توركيا ڕێككه‌فتین كو ڕۆژانه 500مه‌تر سێجا يێن ئاڤێ د چركه‌یه‌كێ دا بۆ عيراقێ به‌رده‌ن.
عۆن زیاب عەبدوڵڵا، وەزیرێ ژێده‌رێن ئاڤێ ڕاگەهاند: عيراق و توركیا ڕێككەفتن ل سەر هندێ تورکيا ڕۆژانە 500 مەتر سێجا يێن ئاڤێ د چرکەیەکێ دا ل ڕووبارێ فوراتى بەرده‌ت بۆ ناڤخۆیا عيراقێ.
ئاماژە ب وێ چه‌ندێ دا، لیژنێن هه‌ڤبەش ل گەڵ ئيران و توركیا و سووریا بەردەوامن ل سه‌ر بزاڤان بۆ دەستەبەركرنا پشكا ئاڤا عيراقێ ل وان وه‌لاتان.
پێشتر به‌رپرسێن بلند يێن عيراقێ و وه‌زاره‌تا سامانێن سروشتی ڕاگه‌هاندبوو، كو هاڤینا 2025 دژوارترين و گه‌رمترين هاڤین بت بۆ وه‌لاتيێن عيراقێ.