ناڤه‌ندا نووچه‌یان – سه‌ما
ساڵح حەیدەر، بەرپڕسێ لقا ٢٠ یا پارتی دیموکراتی کوردستان ل قه‌زا شێخان، ب هەلکەفتا بۆرینا ٣٢ ساڵیا دامەزراندنا بنگەهێ لالش یێ ڕەوشەنبیری و کۆمەڵایەتی پەیامەک بەڵاڤکر.
ئەڤە دەقێ وێ یە:
ب دلەکێ پڕ ژ شانازی و ڕێزڤە، گەرمترین پیرۆزباهیان پێشکێشی هەمی ئەندام و کارمەندێن بنگەهێ لالش دکەین ب هەلکەفتا بۆریا ٣٢ سالان لسەر دامەزراندنا ڤی دەزگەهێ ڕەوشەنبیری و کۆمەڵایەتی یا گرنگ.
بنگەهێ لالش، وەکو ناڤەندەکا گرنگ یێ پاراستنا کەلتوور و ناسنامەیا ئێزدیانە ل سەرانسەری جیهانێ.
د ماوێ ڤان ٣٢ سالاندا ڕۆلەکێ بەرچاڤ د زیندیکرنا ڕەوشەنبیری و پاراستنا کولتووری دا هەبووییە. ئەو خزمەتێن مەزن یێن د وارێ کۆمەڵایەتی، ڕەوشەنبیری، و پەروەردەیی دا هاتینە پێشکێشکرن، جهێ شانازی و دەستخۆشیێ نە.
ژ هزرا دامەزراندنێ ڤە هەتا ئەڤرۆ، بنگەهێ لالش وەکو کەلهەکێ بەرگری کرنێ خزمەتا ئێزدیان کریە، کو ئەڤ ژی نیشان ددەت کو هەردەم حکومەتا هەرێمێ پشتەڤانێ ئێزدیان بوویە.
هیڤیدارین د پێشەڕۆژێ دا ژی بەردەوام بن د خزمەتگوزاری و پێشڤەبرنا ڕەوشەنبیری و پرسێن کۆمەڵایەتی دا، و هەر سەرکەفتی و سەربلند بن د پێناڤ بەرژەوەندیا گەل و نیشتیمانێ کوردستانێ دا.