سەرۆک بارزانی ساڵیادا دامەزراندنا بنگه‌هێ لالش پیرۆز دكه‌ت

ناڤه‌ندا نووچه‌یان – سه‌ما
سەرۆک بارزانی ساڵیادا دامەزراندنا بنگه‌هێ لالش پیرۆز دکه‌ت و دبێژت: خزمەتەكا بەرچاڤ پێشكەشی جڤاكا ئێزدیان و پاراستنا نەریت و كولتوورێ گەلێ كوردستانێ كریە.

ئێك شه‌مبوويێ، 11-05-2025، سەرۆک بارزانی د پەیامه‌کێ دا، 32هەمین ساڵیادا دامەزراندنا بنگه‌هێ لالش ل سەرۆک، ئەندامێن دەستەیا بلند، کادرێن بنگه‌هى و هەموو وه‌لاتيێن ئێزدی پیرۆز کر.

سەرۆک بارزانی ئاماژە ب وێ چه‌ندێ دا، بنگەهێ لالش د سالێن بووریدا ب ڕێكا كارێت بەرچاڤ و كۆنفڕانس و پڕۆژە و ڤیستیڤالێت دەولەمەند و چاپكرنا پەرتوكا و هاریكاریكرنا هەزاران ڕزگاربویێت دەستێ داعش و چەندین كارێت ڕۆشنبیری و ڕاگەهاندن و هونەری خزمەتەكا بەرچاڤ پێشكەشی جڤاكا ئێزدیان و پاراستنا نەریت و كولتوورێ گەلێ كوردستانێ كریە.

پەیاما سەرۆك بارزانی ب هەلكەفتا سی و دوو ساڵیا دامەزراندنا بنگەهێ لالش
بناڤێ خودایێ مەزن و دلۆڤان
ب هەلکەفتا سی و دوو ساڵیا دامەزراندنا بنگەهێ لالش پیرۆزباهیێن خۆ ئاراستەی سەرۆک و ئەندامێن دەستەیا بلند و ئەندام و کادرێن بنگەهێ لالش و هەمی خوشک و برایێن ئێزدی دکەم. بنگەهێ لالش د سالێن بووریدا ب ڕێكا كارێت بەرچاڤ و كۆنفڕانس و پڕۆژە و ڤیستیڤالێت دەولەمەند و چاپكرنا پەرتوكا و هاریكاریكرنا هەزاران ڕزگاربویێت دەستێ داعش و چەندین كارێت ڕۆشنبیری و ڕاگەهاندن و هونەری خزمەتەكا بەرچاڤ پێشكەشی جڤاكا ئێزدیان و پاراستنا نەریت و كولتوورێ گەلێ كوردستانێ كریە.

هەر ب ڤێ هەلكەفتێ دەستخۆشیێ ل ئەرك و ماندیبوونا سەرۆک و ئەندامێن دەستەیا بلند و ئەندام و کادرێن بنگەهێ لالش دكەم و هیڤییا بەردەوامیێ و پێشکەفتنێت پتر بۆ بنگەهێ لالش و هیڤییا ئارامی و خۆشیێ بۆ هەمی خوشک و برایێن ئێزدی دخوازم.
بمینن د خێر و خۆشیاندا
مسعود بارزانی
11ی ئایارا 2025