ل ڤێ سالرۆژا بلند و پیرۆز دا، ئەم سۆزا خۆ دووبارە دکەین کو دێ هەردەم بەردەوام بین د خزمەتا ئێزدیان دا ل ژێر دووشمێ (لالش كانیه‌كا زه‌لاله د هورته د رۆبارێ ره‌وشه‌نبیریا كوردی دا)، ژبۆ بدەستڤەئینانا ئارمانجێن بنگەهێ لالش و بلندکرنا ئاستێ رەوشەنبیری و زانینێ و پاراستنا کلتۆرێ ئێزدیاتیێ و خرڤەکرنا قەول و قەسیدێن مە د ناڤ جڤاکێ مە دا.
ب سایا هەبوونا پێشمەرگەهێ قارەمان و پالپشتیا حکومەتا هەرێما کوردستانێ، دێ کار و خەباتا خۆ بەردەوام کەین ژبۆ گەشەکرنا ئێزدیاتیێ و ناساندنا ڤێ ئۆلا کەڤنار و رەسەن ل سەرانسەری کوردستانێ و جیهانێ و ب دلەکێ پڕی شانازی و رێزگرتن، ئەم پیرۆزباهیێن خۆ یێن گەرم و ژدل پێشکێشی ته‌ڤایا ئەندام و لایەنگر و مجێور و کەسایەتيێن ئاینی و جڤاکێ ئێزدیان دکەین و ڤێ خەباتا دوور و درێژ یا به‌رده‌وام یا بنگه‌هێ لالش، کو ب شەڤ و رۆژ بێ راوه‌ستیان، له‌وران بنگه‌هێ لالش هه‌تا نۆكه ژێده‌ره‌كێ سەرچاڤەیەکێ زێر و بەرەکەتێ بۆ پاراستنا کەلتوورێ ئێزدیاتیێ و ژیاندنا دەنگ و رەنگێن ڤێ ئۆلا کەڤن و رەسەن. هەوە یا کاری رۆناهیێ بخنە سەر رەسەنایەتیا ڤێ ئۆلێ و گەهاندنا قەول و قەسیدێن وێ ژبۆ نڤشێن نوی، دا ئەو ژی هشیار و ئاگەهدار بن ژ کۆکێن خۆ یێن رەسەن.
خه‌ونا دامه‌زراندنا بنگه‌هێ لالش پشتى سه‌رهلدانا پيرۆزا سالا 1991ێ هاته جهـ ب پالپشتيا سه‌ركردايه‌تيا هه‌رێما كوردستانێ و ل رێكه‌فتى 12/5/1993 هاته دامه‌زراندن،و هه‌تا ئيرۆ ژى پشته‌ڤانيا حكومه‌تا هه‌رێما كوردستانێ بۆ ڤى بنگه‌هى يا به‌رده‌وامه.
بنگه‌هێ لالش ئێكه ژ مه‌زنترين ناڤه‌ندێن ڕه‌وشه‌نبيرى ل كوردستانێ و عيراقێ و هژماره‌كا زۆر يا ئه‌ندامان هه‌نه كو نێزيكى هه‌فت هه‌زارانه، د نۆكه‌دا 8 تايى ل سه‌ر ده‌ڤه‌رێن شێخان و شنگال و ده‌ڤه‌را باشيك و به‌حزانێ و شاريا و خانكێ و چه‌ندين نڤيسينگه‌هـ ل گوند و كۆمه‌لگه‌هێن ئێزديان هه‌نه.
بنگه‌هێ لالش خه‌ونا ته‌خا گه‌نجێن ڕه‌وشه‌نبيرێن ئێزدى بوو كو به‌رده‌وام ل سه‌رده‌مێن حكومه‌تێن ئێك ل دووڤ ئێكێ يێن عيراقێ بزاڤێن دامه‌زراندنا ڤى بنگه‌هى دكرن، به‌لێ هه‌رده‌م ئه‌ڤ پرۆژه يێ ره‌تكرى بوو و ب دانانه‌كا مه‌حاڵ دهاته زانين، به‌لێ بتنێ ئه‌گه‌ر كار بۆ ڤه‌قه‌تاندنا ئێزديان ژ كوردايه‌تيێ و ناسيۆناليزما عه‌ره‌بى هاتبايه كرن دێ هاتبه دامه‌زراندن هه‌لبه‌ت د سه‌رده‌مێن ڕژێمێن به‌رێ ده.
ئێكه‌م به‌رهه‌مێ بنگه‌هێ لالش ده‌ركه‌فتنا گۆڤارا لالش بوو كو گۆڤاره‌كا وه‌رزى يا ڕه‌وشه‌نبيرى تايبه‌ت بوو ب ئه‌ده‌بياتا زاره‌كى يا ئێزديان ب زمانێن كوردى و عه‌ره‌بى و ئينگليزى دئێته وه‌شاندن و سه‌ده‌هان ئاخفتن و قه‌ول و به‌يت هاتينه ديكيۆمێنتكرن، ژبلى كو ب سه‌ده‌هان گۆتار ل سه‌ر كاروبارێن جۆراوجۆر يێن ئێزديان تێدا هاتينه به‌لاڤكرن و 37 هه‌ژماره ژێ ده‌رچووينه و تا نۆكه يا به‌رده‌وامه و يا پره ژ بابه‌تان، دووڤده رۆژنامه‌يا ده‌نگێ لالش يا هه‌فتيانه ده‌رئێخستن،زێده‌بارى وه‌شاندنا 9 رۆژنامه‌يێن ديتر ژلايێ هه‌ر تايه‌كێ بنگه‌هێ لالش.
هه‌روه‌سا بنگه‌هێ لالش خودان په‌رتووكخانه‌يه‌كا زه‌نگين و پڕه ژ په‌رتۆك و گۆڤار و رۆژنامه‌يان و دخزمه‌تا خونده‌ڤان و نڤيسكارو ڤه‌كۆله‌ران دايه كو ڕاسپارده بكه‌ن، ديسان بنگه‌هى ب سه‌دان فلمێن ديكيۆمێنتارى و سترانێن فلكلۆرى و ديدارێن مه‌يدانى ل گه‌ل گرنگيپێده‌رێن كاروبارێن ئێزديان ئه‌رشيف كرينه.
ژلايێ كۆمه‌لايه‌تى ژى ڤه، بنگه‌هـ سالانه ڤيسته‌ڤالا لالش ل داردئێخت،ئاهه‌نگان ب هه‌لكه‌فتێن جه‌ژنێن ئێزديان و جه‌ژنا نه‌ورۆزێ يا نه‌ته‌وه‌ى ئه‌نجام دده‌ت، و پشته‌ڤانى يا قوتابيان ل زانكۆيا دهۆكێ دكهت،هه‌روه‌سا مێژوويه‌كا دوور و درێژ هه‌يه د چاره‌سه‌ركرنا گه‌له‌ك كێشه‌يان ب رێكا په‌يوه‌ندييان دگه‌ل فه‌رمانگه‌هێن حكومى ل پارێزگه‌ها دهۆكێ ب شێوه‌يه‌كى تايبه‌ت و هه‌رێما كوردستانێ ب گشتى.
هه‌روه‌ك جاران بنگه‌هێ لالش سالانه پێشوازيێ ل ده‌هان سه‌ره‌دانكريێن هه‌رێما كوردستانێ و ڤه‌كۆله‌ران ل سه‌رانسه‌رى جيهانێ دكهت و بوويه پره‌ك دناڤبه‌را وان و ده‌مێ سه‌ره‌دانا په‌رستگه‌ها لالش دكهت و هه‌موو زانياريان ل دۆر په‌رستگه‌هێ پێشكێش دكهت.
ژ كارێن بنگه‌هێ لالش:
١ـــ دەرخستنا گۆڤارا لاش یا ئەكادیمی یا وەرزی و نها 54 ژمارە هاتينه وەشاندن
٢ـــ رۆژناما دەنگێ لالش یا حەفتیانە ب زمانێ كوردی وعەرەبی دهاتە دەرخستن.
٣ـــ سایتەكی پێشكەتی هەیە بناڤێ تۆرا لالش یا راگەهاندنێ lalish media network ب زمانێ كوردی ب پیتێن ئارامی ولاتینی.
٤ـــ هەشت گۆڤارێن تایا یێن شەش هەیڤی دهاتنە چاپكرن.
٥ـــ ب دەهان پەرتووك هاتینە چاپكرن و ب سەدان سیمینار وورك شوپ و ڤیستەڤالێن كەلتووری و وەرزێن رەوشەنبیری و دیبەیتێن لالش و خۆلێن رەوشەنبیری و پیشانگەهـ و كۆنفراسێن زانستی ل دۆر ناساندبا ئێزدتاتیێ و كەلتوور و مێژوو و جوگرافتا ئێزدیان هاتینە گێران.
٦ـــ ئەرشیفەكی هەری باش هاتیە كۆمكرن ژ قەول و تێكست و رێ ورەسمێن دینی و جڤاكی و نەتەوەیی و روودانێن دل تەزین ل فەرمانا حەفتی و چارێ هاتینە سەرێ ئێزدیان و ب تایبەت ل شنگالێ.
٧ـــ دیسا كەل وپەلێن باش هاتینە كۆمكرن و پاراستن دمۆزەخانەكا بەركەفتی دە.
٨ـــ ڤەكرنا سایتەكی تیلەفزیونی ب ناڤی sema tv
٩ـــ دانا هاریكاریێن مادی بۆ ئەوان كەسێن ژ دەستێ تووندرەوێن داعش رزگار بووین.
١٠ـــ ب هاریكاریا بنگەهێ لالش خوەندنا پرۆگرامێ ئێزدياتیێ ل هەموو قوتابخانیێ دەڤەرێن ئێزدی نشین دهێـته خواندن.