ناڤه‌ندا نووچه‌یان – سه‌ما
ئيرۆ سێ شه‌مبوويێ 13-5-2025، ل په‌رستگه‌ها لالش مير حازم ته‌حسين به‌گ، ميرێ ئێزديان ل كوردستان و جيهانێ پێشوازى ل ماكسيم روبين، كونسولێ گشتى يێ وه‌لاتێ رووسيا ل هه‌ولێرێ و شاندێ دگه‌ل دا كر.
د ديدارێ دا، ميرێ ئێزديان و كونسولێ رووسيا ره‌وشا ئێزديان ب گشتى گه‌نگه‌شه‌كرن و ته‌كه‌زێ ل چه‌ند خالان كرن، ژوانژى تايبه‌تمه‌نديا شنگال و دابينكرنا ته‌ناهى و ئاراميێ بۆ ده‌ڤه‌رێ، ڤه‌گه‌ريانا ئيدارا شه‌رعى و ئاواره‌يان بۆ سه‌ر جهـ و وارێن خۆڤه.
دلايه‌كێ دى يێ ديدارێ دا، باس ل قه‌ره‌بووكرنا قوربانيێن جينۆسايدێ و دووڤچوونا كه‌يسا رزگاربوويان، ده‌سته‌به‌ركرنا مافێ ئێزديان ل رووسيا و په‌يره‌وكرنا رێوره‌سمێن خۆ يێ ئۆلى و ره‌وشه‌نبيرى ب ئازادانه ل گه‌ل هه‌بوونا نوونه‌رێن خۆ يێن سياسى ژى.
هه‌روه‌سا كونسولێ رووسيا پشته‌ڤانى يا وه‌لاتێ خۆ بۆ ئێزديان دووپاتكر كو هه‌ر ژ سه‌رده‌مێ ئێكه‌تيا سۆفيه‌تێ به‌رده‌وامه، گۆتژى ئێزدى ل رووسیا به‌شه‌كێ ڤه‌نه‌قه‌تياينه ژ گه‌لێ مه و هەموو مافێن خۆ ب ئازادانه دكه‌ن.
ژلايێ خۆ ڤه ميرێ ئێزديان گۆت: سوپاسى و پێزانين هه‌ينه بۆ پشتگیریا ڕووسیا بۆ دۆزا ئێزدیان و داخوازا پارێزبه‌نديا زێده‌تر دکەین بۆ مافێن ملله‌تێ مه.
پاشان شاندى گه‌ريانه‌ك دناڤ هوندورێ په‌رستگه‌ها پيرۆزا لالش دا كر و ژنێزيك ڤه، هايدارى ب ڕێڤه‌چوونا رێوره‌سمێن جه‌ژن و هه‌لكه‌فتان بوو.